A cátedra Epifanio Campo, adscrita á Escola Politécnica Superior no Campus Industrial de Ferrol, nace co obxectivo de establecer un marco de colaboración estable entre a Universidade da Coruña e o Grupo Rodonita, para o intercambio de experiencias no campo da docencia, a investigación e a divulgación científica relacionadas co medioambiente e a sustentabilidade e en particular coa xestión de residuos industriais.

Desde a Cátedra Epifanio Campo promocionarase todo tipo de actividades de formación, divulgación, investigación e transferencia de coñecemento no ámbito da xestión ambiental e o tratamento de residuos industriais. Un dos proxectos máis destacados no campo da divulgación é a conceptualización, deseño e posta en marcha do Centro de Interpretación de Residuos Industriais, que se situará na Escola Politécnica Superior, dentro do Campus Industrial de Ferrol. O obxectivo deste centro é avanzar na divulgación científica á comunidade escolar, á comunidade universitaria, e á sociedade en xeral sobre aspectos de xestión ambiental relacionados coa recuperación e valorización dos residuos industriais.

Ano de creación: 2019

Entidade colaboradora: Grupo Rodonita

Director/a: Maripaz Mateo Orenes

Páxina web: https://www.rodonitamedioambiente.com/catedra-epifanio-campo