Liñas de investigación
O ámbito de investigación do grupo CTC encádrase fundamentalmente na automática, a enxeñaría de control e a intelixencia artificial. Estas disciplinas aplícanse na actualidade en numerosos sectores. En concreto, CTC aborda o emprego de técnicas intelixentes sobre multitude de eidos, como son o ámbito médico, o ámbito industrial, a ciberseguridade, a radiactividade ambiental ou a eficiencia enerxética, entre outros.
Entre as súas liñas de actividade atópanse a análise e tratamento de datos, o control intelixente e avanzado, a optimización e o modelado de sistemas, a detección de anomalías en procesos industriais, así coma a instumentación virtual e intelixente.
A continuación descríbense brevemente os tres eixos principais nos que se centra a actividade investigadora do grupo.
Sistemas intelixentes de modelado, optimización e control
Realización de modelado de procesos industriais mediante técnicas de "soft computing", tanto para predición de valores coma para optimización de parámetros.
Desenvolvemento de diversos sistemas de control para procesos industriais combinando técnicas relacionadas co control clásico xunto con métodos avanzados baseados en técnicas intelixentes.
Os sistemas de control deseñados valídanse inicialmente a través dos modelos xerados para, finalmente, levar a cabo a súa implementación final nos procesos industriais.
Detección de fallos e anomalías mediante técnicas tradicionais e intelixentes
Desenvolvemento de sistemas intelixentes que sexan capaces de detectar de xeito precoz a aparición de calquera evento anómalo que teña lugar en procesos industriais.
Para isto, faise uso de técnicas de aprendizaxe non supervisado (clustering, aprendizaxe hebbiano), semisupervisado (proxeccións, determinanción de hiperesferas con cálculo de espazo convexo, etc.) e aprendizaxe supervisado (redes neuronais, máquinas de vector soporte, etc.), así coma de sistemas híbridos.
Deseño de novos sensores, sensores robustos e sensores virtuais
Desenvolvemento de modelos de sensores tanto virtuais coma reais.
Aplicación de técnicas intelixentes e métodos de imputación de datos para predecir o comportamento dun sensor e obter novas variables "virtuais" derivadas das medicións reais dispoñibles nun proceso industrial.