A Oficina para a Igualdade de Xénero da UDC (OIX) a través do Centro Universitario de Formación e Innovación Educativa (CUFIE) presenta un plano de formación para levar a cabo as accións previstas no II Plan de Igualdade da UDC (II PIUDC) aprobado no Consello de Goberno do 3 de abril de 2019.

A OIX pretende dar resposta ou mellorar o coñecemento sobre que é e que significa a igualdade de oportunidades entre mulleres e homes, integrándoa na aplicación práctica do día a día da universidade tanto no ámbito persoal, coma na actividade docente, discente e do persoal de administración e servizos.