Que é o acceso aberto?

Consiste en facilitar o acceso on-line a toda a información científica dispoñible, artigos, monografías, datos de investigación, de forma gratuíta para o lector e baixo licenzas que permitan o seu uso e explotación polos investigadores, as empresas e os cidadáns.

• Estes documentos pódense descargar, copiar, imprimir e distribuír,  buscar  ou  enlazar  con  calquera  propósito  lexítimo,  sen barreiras financeiras ou técnicas.
• No entanto, os autores manteñen en todo momento o control sobre os seus traballos e o dereito a seren recoñecidos e citados.
• O principal obxectivo do acceso aberto é lograr un maior impacto da investigación ao aumentar o acceso a esta.

Vantaxes

Para os investigadores:

• ​Facilita o acceso gratuito á investigación.
• Incrementa a visibilidade das obras.
• Aumenta o impacto, a difusión e a divulgación da investigación.
• Facilita aos investigadores o acceso a recursos non subscritos pola institución
• Permite aos autores conservar a titularidade dos dereitos de autor das súas obras e establecer as súas condicións de uso.
• Garante a preservación electrónica dos documentos de investigación a longo prazo.

Para as institucións:

• Aumenta a visibilidade e o prestixio. Os repositorios institucionais convértense nun reflexo da actividade investigadora da institución.
• Actúa como reclamo para novas fontes de financiamento, novos profesores, estudantes potenciais, etc.
• Asegura a preservación a longo prazo da produción científica da institución.
•  

Consulta a Guía que confeccionou o Servizo de biblioteca para saber como publicar en acceso aberto, coñecer os teus dereitos como autor para seleccionar publicacións que che permitan o autoarquivo, coñecer os acordos transformativos que ten a UDC coas distintas editoriais para favorecer a publicación en aberto.