Ata novembro de 2021, Walter De Gruyter Books pon a nosa disposición máis de 80.000 libros, principalmente en inglés. Despois desa data, só se comprarán os títulos dos que se fixera maior uso (modelo de adquisicións EBS - Evidence Based Selection).

Polas buscas realizadas, pódense consultar preto de 600 libros relacionados directamente coa arquitectura e máis de 400 con arte. Recomendamos tanto ao profesorado como a todo o estudantado revisar as listaxes que aparecen ao final desta páxina. No caso de atopar un libro do voso interése, animámosvos a usalo, pero tamén a compartilo co resto da comunidade da Escola. Así haberá máis posibilidades de que o libro se adquira definitivamente.