A1.1 

Este curso está orientado ao uso instrumental da lingua alemá nas súas modalidades oral e escrita. O alumnado debe comezar a adquirir as competencias do nivel A1 (usuario básico, grao inicial do nivel elemental), dentro dos seis niveis que se distinguen no Marco Común Europeo de Referencia para as Linguas. 

No final do curso, os/as estudantes serán capaces de comunicarse con bastante fluidez en situacións comúns da vida cotiá, utilizando expresións de uso frecuente para falar de si mesmos/as e da súa contorna; poderán describir, oralmente e por escrito, acontecimentos, gustos e preferencias, ben como xustificar brevemente opinións e explicar plans. 

► Para realizar este curso non é necesario ter coñecementos previos de alemán.  

A1.2

Este curso está orientado ao uso instrumental da lingua alemá nas súas modalidades oral e escrita. O alumnado debe consolidar as competencias do nivel A1 (usuario básico, grao inicial do nivel elemental), dentro dos seis niveis que se distinguen no Marco Común Europeo de Referencia para as Linguas.

No final do curso, os/as estudantes serán capaces de comunicarse con bastante fluidez en situacións comúns da vida cotiá, utilizando expresións de uso frecuente para falar de si mesmos/as e da súa contorna; poderán describir, oralmente e por escrito, acontecimentos, gustos e preferencias, ben como xustificar brevemente opinións e explicar plans.

O Centro de Linguas é centro colaborador do Goethe Institut e presenta o seu estudantado á convocatoria oficial que ten lugar na Coruña no mes de xuño. No caso de que a maioría dos/das estudantes queiran realizar  o exame oficial do nivel A1 do Goethe Institut, ao longo do curso prepararase o alumnado para esta proba.

► O curso está concibido para alumnado que teña superado o nivel A1.1.