O Plano de Apoio ao Doutoramento e á Investigación (PAI) está orientado a favorecer a mellora e desenvolvemento das competencias do alumnado dos programas de doutoramento da Universidade da Coruña. Con este fin marcamos os obxectivos que se describen a continuación:

• Proporcionar os recursos necesarios para afrontar os retos da investigación no novo contexto europeo universitario.
• Favorecer a reflexión e a autocrítica para potenciar o procesos de ensino-aprendizaxe.
• Integrar as TIC no proceso de aprendizaxe e no contexto das investigacións.
• Desenvolver ascompetencias necesarias para desenvolver as tarefas de investigación dentro da universidade.
• Proporcionar ao alumnado dos programas de doutoramento aquelas ferramentas necesarias para poder formular e desenvolver os seus traballos de investigación e teses de doutoramento.