Bases de realización
Datas e modalidade:
Cada perfil de participación terá un itinerario diferente, indicado ao final destas bases.
A formación será presencial nos dous cursos teóricos inciais obrigatorios. Estes cursos realizaránse nos meses de outubro e febreiro de cada ano académico.
Respecto aos cursos optativos seguiranse as especificacións descritas para cada un deles no referinte á modalidade e horarios. Os cursos terán lugar entre outubro e xuño de cada ano académico.
O curso práctico final obrigatorio será de traballo persoal do alumnado coa mentorización presencial e/ou telemática da persoa que titorice. Realizarase cando a parte obrigatoria inicial e a parte optativa xa esté completada. As titorías e a súa modalidade serán pactadas entre ambas partes.
Persoas destinatarias:
- R1: Investigador/a en fase inicial: Estudantado de doutoramento e investigadores/as predoutorais.
- R2: Investigador/a recoñecido/a: Investigadores/as posdoutorais que aínda están a desenvolver autonomía na súa investigación.
- R3: Investigador/a establecido/a: Investigadores/as independentes cun historial sólido de publicacións e proxectos.
- R4: Investigador/a líder: Investigadores/as que lideran no seu campo, con responsabilidades na toma de decisións e que dirixen proxectos de investigación.
* Tódalas persoas deben estar vencelladas á UDC
Preinscrición:
A preinscrición realizarase a través de formularios electrónicos dentro dos prazos establecidos para cada unha das partes.
Os formularios de preinscripción ábrense ás 10:00h do primeiro día e péchanse ás 23:59h do último día dos prazos sinalados.
Pode consultarse toda a información de cada un dos cursos no Índice de contidos.
Criterios de selección:
- Pertenecer al colectivo R2.
- Pertenecer al colectivo R1 a partir del tercer año de matricula (incluido).
- Pertenecer al colectivo R3.
- Pertenecer al colectivo R1 con menos de tres años de matricula.
- Pertenecer al colectivo R4.
Confirmación da admisión:
A preinscrición nas accións formativas non implica estar matriculado no curso por mor do límite de prazas.
A confirmación da admisión en cada curso comunicarase por correo electrónico ao enderezo que facilitará a persoa interesada no formulario de preinscrición de cada unha das formacións.
Posteriormente exporanse as listaxes na web do CUFIE.
Anulación da inscripción:
Toda aquela persoa que non poida asistir ao curso no que sexa admitida debe comunicalo ao CUFIE, co obxectivo de notificar en tempo e forma a outra persoa interesada da lista de agarda.
O prazo para comunicar a renuncia ao curso é de 3 días lectivos antes do inicio do curso e deberá enviarse por correo electrónico a ufa@udc.es.
Debido á alta demanda dos cursos, aquelas persoas que non cumpran os requisitos de asistencia a un curso ou non notifiquen a súa ausencia nos prazos establecidos pasarán automaticamente, durante ese curso académico, ao final das listas de agarda, e só poderán realizar as formacións integradas no PFCTPD no caso de que queden prazas libres.
Participación segundo o perfil:
Para a obtención da acreditación da formación, o alumnado pertencente aos grupos R1 e R2 deberá completar:
- Dous cursos teóricos obrigatorios.
- Cinco cursos teóricos optativos a elixir entre os ofertados neste cronograma.
- Un curso práctico final obrigatorio: Este último curso práctico obrigatorio consiste na preparación dun traballo práctico final, que implica a elaboración dunha proposta para unha convocatoria individual competitiva a nivel autonómica, nacional ou europea de I+D+i . Este traballo será mentorizado por profesionais con experiencia na preparación, escritura e revisión de proxectos, que guiarán ao estudante na preparación da proposta.
A duración total da formación será de 150 horas (6 créditos ECTS), 30h teóricas de cursos obrigatorios, 60h teóricas de cursos optativos a elixir polo estudantado entre a oferta do PAI e 60h do traballo práctico final.
IMPORTANTE: A certificación dos cursos do bloque optativo faráse para cada curso por separado, deste xeito a certificación que se emitirá será polo primeiro e último bloque, en total 90 horas, emitidos para cada formación por separado.
Para a superación do plan, é imprescindible superar con éxito os cursos da formación obrigatoria e optativa, cun total de 90 horas.
Para superar o curso práctico final será necesario presentar a proposta desenvolvida durante a formación e obter unha avaliación positiva na presentación final do proxecto. Esta presentación será avaliada por un panel de expertos/as, que valorarán tanto a calidade da proposta como a capacidade da persoa para comunicala de forma clara e efectiva.
O rigor no proceso de avaliación garante que as persoas participantes adquiran e demostren as competencias necesarias para a presentación de propostas de investigación competitivas a nivel autonómico, nacional e europeo.
O certificado que acredita a formación expediráse por 150 horas e incluirá todo o itinerario formativo realizado.
Para a obtención da acreditación da formación, o alumnado pertencente aos grupos R3 e R4 deberá completar:
- Dous cursos teóricos obrigatorios.
- Un curso práctico final obrigatorio: Este último curso práctico obrigatorio consiste na preparación dun traballo práctico final, que implica a elaboración dunha proposta para unha convocatoria individual competitiva a nivel autonómica, nacional ou europea de I+D+i . Este traballo será mentorizado por profesionais con experiencia na preparación, escritura e revisión de proxectos, que guiarán ao estudante na preparación da proposta.
A duración total da formación será de 90 horas (3,6 créditos ECTS), 30h teóricas de cursos obrigatorios e 60h do traballo práctico final.
Para a finalización do plan, é imprescindible superar con éxito os cursos da formación obrigatoria e superar o curso práctico final. Será necesario presentar a proposta desenvolvida durante a formación e obter unha avaliación positiva na presentación final do proxecto. Esta presentación será avaliada por un panel de expertos/as, que valorarán tanto a calidade da proposta como a capacidade da persoa para comunicala de forma clara e efectiva.
O rigor no proceso de avaliación garante que as persoas participantes adquiran e demostren as competencias necesarias para a presentación de propostas de investigación competitivas a nivel autonómico, nacional e europeo.
O certificado que acredita a formación expediráse por 90 horas e incluirá a formación teórica e práctica.