Elena Madinabeitia Mancebo, é PDI no departamento de Didácticas Específicas e Métodos de Investigación e Diagnóstico en Educación. Viaxará a El Salvador para apoiar o programa no que se brinda axuda humanitaria, primeiros auxilios psicológicos e derivación de casos de vulneración de dereteitos á infancia e violencia baseada no xénero a nenos/as, adolescentes e familias en tránsito migratorio.

Así tamén, desenvolverá xornadas socio-deportivas con actividades lúdicas e deportivas con menos, nenas e adolescentes en centros escolares rurales de comunidades vulnerables.
Elena, dada a súa formación e experiencia profesional, impulsará o desenvolvemento dun obradoiro de formación de xogos cooperativos e técnicas participativas co equipo técnico de "Axuda en Acción, O Salvador", outras organizacións aliadas e entidades, para fortalecer os seus coñecementos e habilidades no trabajo que desenvolven diariamente con menos/as e adolescentes. Asi mesmo, desenvolverá un curso teórico-práctico dirixido ao equipo das escolas sociodeportivas de AeA para mellorar as habilidades e estratexias dos mesmos

.

José Manuel Malheiro Gutiérrez,  é PDI no departamento de Pedagoxía e Didáctica e viaxará a Angola para a realización dun programa de seminarios a desenvolver con grupos de docentes da Escola Bg-1024 Missionaria Paróquia Santo Estevão. Desenvolveranse os temas suxeridos pola Xefa de estudos, Dra. Lourdes Amandio. Ademais, dedicarase un tempo á presentación da metodoloxía de Aprendizaxe-Servizo e a sùa posible aplicación na alfabetización de adultos.

Plácido Lizancos Mora é  PDI do departamento de Expresión Gráfica e Arquitectónica, e viaxa a Mozambique con Arquitectura sen Fronteiras para traballar na mellora das condicións urbanas e habitacionais da zona C de Chamanculo, na cidade de Maputo, e de preparar ao tecido sical, con perspectiva de xénero, para mellorar a súa capacidade de actuación en espazos comúns. A fase na que traballará Plácido é a sexta e pretende contribuír ao acceso á vivenda digna a través dunha estgratexia de asistencia á poboación na autopromociónda vivenda que respecte os parámetros urbáns alcanzados nas fases previas do proxecto.