Plan de Estudos - Formación Específica "Patrimonio Cultural"
PROGRAMACIÓN
Módulo I: "O Patrimonio Cultural e a súa salvagarda"
A través deste módulo ofrecerase unha aproximación teórica básica ao concepto de patrimonio cultural, as súas diferentes tipoloxías e a súa xestión. Iniciarase o estudo dos distintos tipos de patrimonio a través do patrimonio histórico-artístico, con especial atención á arquitectura.
Obxectivos:
- Comprender o concepto de patrimonio cultural e a súa evolución no tempo
- Identificar as diferentes tipoloxías do patrimonio cultural
- Estudar as distintas fases da xestión do patrimonio
- Coñecer o patrimonio histórico-artístico arquitectónico
- Aprender a aplicar a Interpretación do patrimonio como ferramenta para a súa conservación, comprensión e desfrute.
Constará de 3 créditos que se corresponden con 3 materias obrigatorias a través de 10 sesións teóricas cada unha, de 50 minutos de duración.
Contidos:
- AS BASES DO PATRIMONIO CULTURAL. Profesor Álvaro J. Iglesias Maceiras.
- PATRIMONIO HISTÓRICO-ARTÍSTICO. UNHA ESPECIAL ATENCIÓN AO PATRIMONIO ARQUITECTÓNICO. Profesor José Ramón Soraluce Blond
- COMO REVELAR SIGNIFICADOS A TRAVÉS DA INTERPRETACIÓN DO PATRIMONIO. Profesoras Matilde González Méndez, Araceli Serantes Pazos, María Elvira Lezcano González
Módulo II: "Explorando a diversidade patrimonial"
As tipoloxías patrimoniais son múltiples e variadas. Neste módulo farase unha selección dalgunhas delas, nas que se profundará dun xeito teórico e dende unha perspectiva práctica.
Obxectivos:
- Estudar o patrimonio dende a súa vertente inmaterial
- Coñecer o significado e valor do patrimonio industrial
- Profundar no cine como ben patrimonial
Este módulo consta de 3 créditos que se corresponden 3 materias obrigatorias a través de 10 sesións teóricas cada unha, de 50 minutos de duración.
Contidos:
- PATRIMONIO INMATERIAL. AS PEGADAS DA MEMORIA.Profesor Carlos Diz Reboredo
- DA INDUSTRIA AO PATRIMONIO. Testemuña do pasado ou inspiración para o futuro. Profesora Iria Caamaño Franco
- AS IMAXES EN MOVEMENTO COMO LEGADO: O PATRIMONIO CINEMATOGRÁFICO. Profesor José Juan Videla Rodríguez
Módulo III: "O Patrimonio da Universidade da Coruña e a súa contorna"
A Universidade da Coruña é depositaria dun amplo patrimonio formado por diversas manifestacións presentes en todos os seu campus. Este legado con frecuencia é descoñecido ou pasa desapercibido para as persoas que o ocupan ou percorren no seu día a día. Este módulo constitúe unha boa oportunidade para dalo a coñecer e aprender a valoralo.
Obxectivos:
- Coñecer de primeira man o patrimonio vinculado á Universidade da Coruña
- Estudar as diferentes tipoloxías presentes nos campus e instalacións universitarias.
- Tomar conciencia sobre o enorme valor que este posúe, non só para a comunidade universitaria senón para a poboación dos espazos nos que se encadra.
Este módulo consta de 3 créditos que se corresponden con 3 materias obrigatorias a través de 10 sesións teóricas cada unha, de 50 minutos de duración.
Contidos:
- ARQUITECTURA, ESCULTURA E PINTURA: O PATRIMONIO HISTÓRICO-ARTÍSTICO VENCELLADO Á UDC. Profesora Estefanía López Salas e Profesor Antonio Santiago Río Vázquez
- PATRIMONIO E MEMORIA NUN CAMPUS UNIVERSITARIO. Profesora María Elvira Lezcano González
- PATRIMONIO ARQUEOLÓXICO-NATURAL-GREEN CAMPUS. Profesoras Matilde González Méndez e Araceli Serantes Pazos,
