O 30 de setembro de 2021 publicouse no BOE a Orde ministerial HFP/1030/2021 de 29 de setembro, pola que se configura o sistema de xestión do Plan de Recuperación, Transformación e Resiliencia (PRTR). Esta Orde ministerial recolle no seu artigo 6 a obriga de toda entidade que participe na execución das medidas do PRTR de reforzar os mecanismos para a prevención, detección e corrección da fraude, a corrupción e los conflitos de intereses. 

Derivado desta obriga, a Universidade da Coruña elaborou o seu Plan de medidas antifraude, aprobado polo Consello de goberno o 25/01/2022, que evidencia o compromiso da entidade cos estándares máis esixentes en relación co cumprimento das normas xurídicas, éticas e morais no desenvolvemento das actuación necesarias para acadar os obxectivos establecidos nas axudas financiadas polos fondos europeos Next Generation EU no marco do PRTR.