Estudantes do grao en liña que, por motivos xustificados, desexen realizar un exame de forma non presencial no canto de presencial, deberán presentar unha solicitude mediante unha instancia á decana, que poden descargar da páxina web desta facultade, entregándoa na Administración da Facultade dentro dos prazos estabelecidos.

A solicitude debe ir acompañada do documento xustificativo correspondente, que acredite o motivo que impide a realización do exame de xeito presencial

As datas límite para presentar a devandita solicitude son as seguintes

Primeira oportunidade do primeiro cuadrimestre:

➝ Prazo máximo: 10 de decembro

Primeira oportunidade do segundo cuadrimestre:

➝ Prazo máximo: 20 de abril

Segunda oportunidade:

➝ Prazo máximo: 5 de xuño