A superación das probas de avaliación dun Curso de Formación Específica de Posgrao da dereito á obtención dun diploma universitario propio de posgrao denominado Diploma de Formación Específica de Posgrao .
Estes diplomas serán expedidos pola dirección de cada curso, causarán constancia rexistral nun rexistro habilitado para tal efecto na UEPP e irán asinados polo reitor ou pola persoa en quen delegar, polo director do curso e pola persoa interesada.
De acordo co artigo 49.1 do Regulamento de Estudos Propios de Posgrao, os estudantes que realizasen módulos independentes dalgún curso de posgrao poderán, se así o requirisen, obter un certificado de aptitude logo de superaren as probas de avaliación correspondentes. A expedición do certificado será efectuada polo director do curso e levará a sinatura do vicerreitor correspondente. O certificado recollerá de forma explícita o número total de créditos que se superaren así como a súa división por materias.
De acordo co artigo 49.2 do Regulamento de Estudos Propios de Posgrao, os estudantes que realizaren un curso propio de posgrao na súa totalidade e que non obtivesen a cualificación global de “apto” poderán requirir un certificado de asistencia. A expedición do certificado será efectuada polo director do curso e levará a sinatura do vicerreitor correspondente. O certificado recollerá de forma explícita o número de créditos que cursaren e a súa división por materias.
En cada caso, serán de aplicación as taxas correspondesntes aprobadas polo Consello Social e que poden ser consultadas na seguinte ligazón: https://sede.udc.gal/services/electronic_board/EXP2024/003831