InFINIS. Migrations and Tanscultural Identities analiza varios dos aspectos sociais e culturais máis relevantes da sociedade contemporánea, tanto dende un punto de vista teórico como na súa representación en manifestacións literarias, artísticas e dos medios de comunicación.

Os obxectivos desta revista abordan uns dos retos máis inmediatos e urxentes da nosa diversa sociedade contemporánea (tal e como aparece descrito no Plan Estatal de Investigación Científica y Técnica y de Innovación 2017-2020: “6. Ciencias sociales y humanidades y ciencia con y para la sociedad”), xa que se centra no estudo das migracións contemporáneas e dos asentamentos post-migratorios, así como na súa representación na literatura. A revista propón un enfoque transcultural para a análise destes temas que favorece e promove o diálogo e a convivencia sen ignorar a complexidade, as dificultades, e os conflitos das sociedades contemporáneas culturalmente diversas.  

O espazo que este revista pretende cubrir non está representado de xeito específico por ningunha outra publicación periódica no ámbito estatal. Aínda que si existen revistas académicas que estudan os procesos migratorios, como a Revista internacional de estudios migratorios, da Universidad de Almería, ou Migraciones, do Instituto Universitario de Estudios sobre Migraciones (Universidad Pontificia Comillas), a nosa publicación aborda dende unha óptica transcultural a representación deses procesos migratorios na literatura e nos medios audiovisuais.  

Obxectivos da publicación e previsión de futuro.

A revista InFINIS. Migrations and Tanscultural Identities pretende convertirse nun referente na área de estudo en lingua inglesa tanto en Humanidades como en Ciencias Sociais. A intención do equipo editorial é coidar ao máximo os criterios formais, de contido, e científicos que se requiren para aparecer en bases de datos, índices e motores de búsqueda de resumos e palabras chave.

Preténdese que a revista ocupe un espazo de investigación que estude os movementos migratorios dende unha óptica literaria e sociocultural, analítica e crítica das políticas de identidade. Esta aproximación atrerá a estudosos da literatura contemporánea que reflicta estes movementos en todos os continentes, polo que o seu alcance será relevante, e a nosa previsión é que se poderá asentar coma un serial de referencia.