O Director da revista comprométese a establecer un sistema de avaliación externa por pares de dobre cego, consistente no envío de cada artigo proposto a non menos de dous revisores externos (que formen parte do Comité Científico ou de universidades externas de recoñecido prestixio).

 

Establecerase o seguinte protocolo:

Todas as propostas de publicación serán sometidas a un proceso de avaliación anónima co seguinte procedemento:

O Comité Editorial comprobará que cada proposta cumpra os requisitos de formato e de contidos establecidos—e feitos públicos—pola revista. A continuación notificarase ao autor ou autora unha confirmación por escrito que incluirá a seguinte información:

• Recomendacións de modificacións na orientación temática, se as houber.
• Prazo máximo que se precisará para a avaliación do potencial artigo.
• Información de que a proposta deberá incluír todos os elementos requiridos antes de ser enviada á avaliación por pares, así coma os documentos precisos para iniciar o proceso de publicación (resumo, información académica completa do autor/a, e palabras chave, entre outros).

Os editores enviarán unha copia anónima da proposta a dous revisores, que tamén recibirán a ligazón ao formulario de avaliación de propostas (en Forms) e os criterios de avaliación que deben seguir. Un dos dous revisores será externo ao Comité Editorial da revista. Os revisores deben enviar os seus informes nun prazo máximo de 2 meses. No caso de discrepancias significativas entre ambos avaliadores, os editores, ou un terceiro avaliador seleccionado polos editores, poderán determinar se o informe final resulta positivo ou negativo. Neste caso, o prazo poderá ser ampliado até un mes máis.

Dentro do prazo sinalado, cada avaliador entregará o seu informe de avaliación aos editores.

Os avaliadores poderán rexeitar a avaliación dunha proposta alegando consideracións de tipo ético ou moral, ou manifestando unha situación ou interese específico que podería motivar unha avaliación non imparcial. Neste caso, deben notificar ao editor a causa alegada.

Baseándose nos criterios de avaliación da revista, o resultado da avaliación poderá ser:

• Aceptado:  O manuscrito reúne os criterios de calidade e, polo tanto, apróbase a súa publicación.
• Aceptado condicionado:  O manuscrito reúne en xeral os requisitos de calidade, pero para ser aceptado para publicación require certas correccións e/ou modificacións, das que se informará detalladamente.
• Rexeitado:  O manuscrito non reúne os criterios de calidade e, polo tanto, non se aproba a súa publicación.

A aceptación dun manuscrito sempre será provisional até que a fase de edición finalice. Os editores da revista poden modificar esta resolución en calquera fase do proceso editorial, sempre que se presente unha causa razoada.

Unha vez notificada a resolución ao autor ou autora (con dous informes detallados), e en caso de recibir recomendacións (correccións e/ou modificacións) para a publicación da proposta, o autor deberá presentar ditos cambios aos editores nun prazo non superior a 20 días hábiles.

Os manuscritos aceptados para publicación serán automaticamente destruídos ao finalizar o proceso editorial. Polo contrario, os manuscritos rexeitados serán preservados convenientemente durante un ano.

En ningún caso o proceso editorial, desde que un artigo é recibido até que finalmente é avaliado para a súa publicación, poderá ser superior a seis meses.

Os revisores externos da revista serán seleccionados anualmente atendendo a criterios de internacionalización e capacitación profesional, así como á súa área de especialización.

Declaración COPE de ética e boas prácticas

A revista InFINIS. Migrations and Tanscultural Identities e o seu equipo editorial subscriben e se acollen ao "Código de Conducta y Mejores Prácticas. Directrices para Editores de Revistas" (https://publicationethics.org/core-practices, do ano 2017 (Core Practices). A casuística específica que non veña directamente regulada polas normas desta revista arbitrarase seguindo estas directrices aprobadas por COPE.