Buscas

Crunia busca en todos os recursos da biblioteca da UDC independentemente do seu soporte, tipoloxía ou localización.

Calquera resultado obtido é modificable a posteriori aplicando algún filtro.

Tanto na busca simple como na avanzada podes limitar o alcance da busca por varios criterios

Busca simple
  1. Introducir o/s termo/s de busca (palabra chave, título, autor, ISBN, ISSN, etc.)
  2. Seleccionar o alcance da busca
  3. Facer clic no botón da lupa (Buscar)

Usa esta busca cando che interese buscar nas 16 bibliotecas da UDC. Ten en conta que desde calquera biblioteca facemos peticións de libros ás outras. Solicítanos o envío de documentos non prestados por teléfono, e-mail o no mostrador.

Busca nos fondos dunha única biblioteca 

Se queres acotar a túa busca, por exemplo, ao que temos na Biblioteca de Socioloxía e Comunicación, unha vez fas unha búsqueda, só tes que seleccionarnos na listaxe de facetas despregable. O catálogo devolverache únicamente os documentos que estean localizados na biblioteca escollida. 

Observa que na listaxe despregable aparecen outro tipo de facetas distintas á ubicación a través das que restrinxir a túa busca.

Busca avanzada

Con esta busca podes indicar en que campo ou campos queres que aparezan os teus termos de busca. Ten en conta que podes simultanear a busca en máis dun campo á vez e aplicarlles conectores (operadores booleanos): e,  ou, non.

Podes aplicar outros operadores para mellorar as túas buscas: 

  • Termos adxacentes:  busca termos que están xuntos ao escribilos entre comiñas. Ex.: "antropoloxía social".
  • Agrupación de termos de busca utilizando parénteses (). Ex.: (clima OR medio) AND cambio.
  • Truncamentos: busca palabras que teñen a mesma raíz léxica ao empregar o asterisco (*) Ex.: arqueo* mostrará títulos que conteñan as palabras arqueolóxico, arqueolóxica, arqueoloxía, arqueólogo...

Ademais podes engadir varios filtros: tipo de recursos, dispoñibilidade, biblioteca, idioma, autoría ou data de publicación)

Por exemplo, se introduces os termos François Truffaut no campo TEMA, e os anos 2010 e 2015 no campo DATA DE PUBLICACIÓN, o catálogo limitarase a buscar todos os materiais da biblioteca que traten sobre o director francés publicados entre o 2010 e o 2015, e deixará fóra dos resultados todos os demais.

Busca de bibliografía recomendada

Ao escoller a opción Bibliografía Recomendada no menú superior, obtemos un formulario con algunhas opcións predefinidas.

Para poder localizar un título que sexa bibliografía recomendada dalgunha asignatura podemos buscar por:

  • Nome da materia. Ex. Estrutura e cambio social, asignatura e 2º curso do Grao en Socioloxía. 
  • Código da materia. Ex. 616G02020, pertence á asignatura Animación de Personaxes, do 2º curso de Grao en Creación Dixital, Animación e Videoxogos.

 O Código da materia  pódelo atopar na Guías docentes do curso.

Busca de traballos académicos

Para atopar teses, traballos de fin de grao (TFG) ou traballos de fin de mestrador (TFM), lánzase a busca no recado de busca simple coa opción "Buscar en Todo" e despois filtramos por "Tipo de Recurso" escollendo a opción "Teses e Traballos Académicos"

Unha vez filtrados os resultados por tipo de recurso, soamente aparecen os documentos que responden a teses, TFG ou TFM