Obxectivo

Publicar os resultados da investigación é unha parte necesaria do proceso científico. Esta guía diríxese principalmente aos investigadores que inician a súa carreira, e explica como publicar, con consellos para seleccionar as revistas máis apropiadas, e tratar de maneira efectiva o proceso de publicación.

Por que publicar?

A publicación dos resultados da investigación é o nexo principal que une aos científicos en todas as disciplinas e é crucial para o progreso da ciencia no seu conxunto. Pode ter as mellores ideas, pero se non pode comunicalas coa suficiente claridade para ser publicadas, o seu traballo non será recoñecido pola comunidade.

Ao publicar está a lograr tres obxectivos clave, tanto para vostede como para o esforzo científico na súa disciplina:

• diseminar a súa investigación
• avanzar na súa carreira
• avanzar na ciencia

Así mesmo, aumenta o prestixio da súa universidade e mellora a súa posición nos rankings.  

Publicar estratéxicamente significa

• ​Chegar á audiencia á que se dirixe a investigación
• Elixir a mellor opción para aumentar a reputación do investigador.
• Dirixirse ás publicacións adecuadas para evitar o rexeitamento do editor
• Aumentar a probabilidade de que a investigación teña impacto e sexa ​​citada
• Conseguir fondos para a investigación en novos proxectos.​​

Consulta a Guía que confeccionou o Servizo de biblioteca para saber como seleccionar correctamente o medio de difusión axeitado para o teu traballo.