Bibliografía recomendada (BR)
O catálogo Crunia dispón dun novo buscador de documentos da bibliografía recomendada nas distintas asignaturas impartidas na Universidade. Consta dun sistema de listas despregables: na primeira, selecciónase a titulacion; a continuación, elíxese unha asignatura concreta da segunda listaxe despregable de materias desa titulación.
Os libros levan no lombo unha etiqueta amarela B.R.
Tamén podes acceder a ela picando en cada titulación que se imparte na EUAT e buscando as materias do teu interese
Preguntas frecuentes (FAQS)
A bibliografía recomendada é a relación de fontes de información que o profesorado introduce na guía docente da materia para que sirva de apoio ao alumnado na adquisición dos coñecementos sobre ese tema.
Hai dous tipos:
- Bibliografía básica: recursos de información que o profesorado considera imprescindibles para a aprendizaxe da materia.
- Bibliografía complementaria: recursos adicionais.
Levan no lombo unha etiqueta amarela co texto B.R.
A BEUAT garánteche como mínimo un exemplar de cada un dos títulos da BR. O habitual é dispoñer de varios exemplares, sendo un deles de consulta en sala. Tamén pode haber exemplares dixitais.
Se non hai ningún exemplar, pode deberse a algunhas destas razóns:
- O documento está fóra do circuíto comercial (esgotado, descatalogado, edición non venal…) ou non se puido localizar.
- O documento está en proceso de adquisición.
Se non atopas o que buscas, podes facernos unha suxestión de compra