O Comité de Ética da Investigación e da Docencia (CEID) é un órgano colexiado, permanente, interdisciplinar e independente, de carácter consultivo, encargado de velar pola adecuación ética, metodolóxica e legal da investigación e de promover a integridade científica e académica na comunidade universitaria. O CEID está adscrito á Vicerreitoría de Investigación e Transferencia (VIT) da Universidade da Coruña (UDC) e constitúe unha garantía institucional de que os proxectos desenvolvidos por persoas investigadoras da UDC respectan os principios éticos fundamentais recoñecidos a nivel nacional e internacional.