1ª fase: presentación de resumos

Modalidades

Os traballos presentados deberán axustarse ás seguintes modalidades:

a) Comunicación oral
b) Póster

Idiomas

Tanto resumos coma Comunicacións ou Pósters poderán ser presentados en calquera dos idiomas seguintes:

• Galego
• Castelán
• Inglés

Liñas temáticas

Os traballos integraranse nalgún dos seguintes eixos temáticos estratéxicos:

• Liña 1. Metodoloxías activas en docencia presencial e semipresencial
• Liña 2. Procesos e instrumentos de avaliación da aprendizaxe
• Liña 3. Titorización e atención ao estudantado
• Liña 4. Uso e aplicación de recursos tecnolóxicos para a mellora da aprendizaxe
• Liña 5. Responsabilidade social universitaria
• Liña 6. Emprendemento e empregabilidade
• Liña 7. Instrumentos e recursos para a mellora da organización e do desempeño docente
• Liña 8. Accións de divulgación e transferencia do coñecemento á sociedade

Presentación de resumos

Para presentar un traballo tanto en modalidade Comunicación coma en modalidade Póster, cómpre enviar previamente un resumo ou abstract que constará entre 300 e 400 palabras que inclúa os seguintes aspectos:

• Título da proposta
• Autor/autores (nome e contacto)
• Modalidade (comunicación ou póster)
• Liña/s temática/s na/s que se integra a proposta
• Resumo

Os resumos entregaranse vía correo electrónico ao seguinte enderezo: innovacion.cufie@udc.es especificando no asunto: resumo udcinnova- nome do autor/a.

Modelo para a presentación do resumo

Prazos de presentación de resumos: Do 26 de xuño ao 30 de setembro de 2019

 

2ª fase: Pósters e comunicacións definitivas

O/as autore/as cuxos resumos fosen seleccionados polo comité científico, axustaranse ás seguintes normas para a presentación dos seus traballos nas Xornadas:

Pósters definitivos

1. Formato

• Os pósters impresos axustaranse ao formato DIN A1 (594mm x 841mm) con orientación vertical.

2. Contido

• Levarán un encabezado co título, lema e lugar e data de celebración das xornadas na tipografía corporativa da UDC (Arial ou Helvética). A continuación, o título do póster na mesma tipografía (con maior tamaño e negriña) que deberá ser o mesmo ao presentado no resumo correspondente.
• No pé de páxina irán os nomes das persoas autoras e un mail de contacto, así como os logos da Vicerreitoría de Oferta Académica e Innovación Docente e o do Cufie.
• Aconséllase expoñer o contido de xeito claro e sinxelo, empregando o mínimo texto posible (nas tipografías corporativas) e facendo uso de recursos gráficos (imaxes, ilustracións, gráficos, táboas, etc.). No caso de incluír referencias bibliográficas, estas axustaranse ás Normas APA.
• Para maior comodidade dos participantes proporcionamos o modelo de póster en ppt, así como os logos necesarios para o pé de páxina:
  Modelo póster en ppt
  Logo Vicerreitoría de Oferta Académica e Innovación Docente
  Logo Cufie

3. Colocación e presentación

• O/as autor/as do póster responsabilizaranse da súa impresión, traslado e colocación, durante cada unha das sesións, nos paneis habilitados ao efecto na planta -3 da Fac. de Educación para a súa exhibición nas Xornadas. Haberá persoal de apoio para axudar na colocación. Aqueles autores que o prefiran poden facernos chegar o póster impreso ao Cufie (persoalmente ou por correo interno) coa suficiente antelación para que o coloquemos nós o día antes das xornadas.
• Cada póster será exhibido durante toda a xornada e o/as autore/as deberán estar presentes na franxa horaria que se comunicará polo Comité Organizador para explicar o seu traballo ás personas interesadas.

Normas para a presentación de comunicacións definitivas

• As comunicacións pódense elaborar tanto en formato Powerpoint, Impress, etc. como en formato dixital interactivo con ferramentas tipo Prezi, Genial.ly, Emaze ou similares.
• Cada relator/a responsabilizarase de levar a presentación para expoñela desde o equipo da aula correspondente. Non se poderán utilizar, pois, dispositivos tecnolóxicos persoais para proxectar a presentación.
• Cada relator/a disporá de 20 minutos totais para a exposición oral e a rolda de preguntas. A exposición oral en ningún caso excederá de 15 minutos.

O obxectivo destas normas é favorecer un formato áxil e dinámico de comunicación onde prevaleza a participación, o debate e o intercambio de ideas.
 

3ª fase: Envío de textos destinados á publicación dixital 

 Normas

O/as autore/as cuxos traballos foron seleccionados para seren expostos nas IV Xornadas de Innovación Docente teñen  de prazo ata o día 17 de xaneiro de 2020 para entregaren os textos destinados á súa publicación dixital. Admitiranse textos tanto en castelán coma en galego coma en inglés.

Ditos textos, deberán axustarse aos modelos e instruccións que achegamos a continuación e enviaranse ao correo electrónico innovacion.cufie@udc.es

• Para as comunicacións:

Enviar o texto segundo o modelo proporcionado aquí debaixo, en formato Word ou OpenOffice  co Asunto: texto completo+ Título da comunicación.

Modelo para texto completo de comunicación oral

• Para os paneis de experiencias:

Empregarase o mesmo modelo das comunicacións orais e enviarase co Asunto: Texto completo+Título do panel.

• Para os pósters:

Para os pósters precisamos que enviedes dous arquivos: por unha banda o texto co resumo e as referencias bibliográficas segundo o modelo que podedes descargar aquí debaixo; e por outra, o arquivo orixinal en PPT no que fixestes a maquetación do póster para a súa exposición. Titulade ambos arquivos co o número de póster que tedes asignado nas xornadas (P1, P2, P3, etc.) e enviádeos co Asunto: Texto completo+P1/P2...

Modelo para texto completo de póster