Difusión:

A difusión dos Obradoiros de Microsoft 365 faise por dobre vía: a través das listaxes de correo da UDC e a través da web do CUFIE. 

Datas de realización: 

Os obradoiros terán lugar entre outubro de 2025 e maio de 2026, nas datas indicadas no programa de cada un dos obradoiros.

Lugar de realización:

Os obradoiros realizaranse en reunións a través de Microsoft Teams.

Destinatarios:

• Profesorado da Universidade da Coruña con docencia recoñecida no POD.
• Persoal FPU vinculado á resolución do 19 de novembro de 2015 do BOE e posteriores.

Preinscrición:

A preinscrición realizarase a través de formularios electrónicos na web do CUFIE, dentro dos prazos establecidos, sinalados en cada unha das quendas correspondentes a cada obradoiro.

Os formularios abriránse ás 10:00 horas do primeiro día da preinscrición ate as 23:59 horas da do último día.

Confirmación da admisión: 

A preinscrición non implica estar matriculado no obradoiro por mor do límite de prazas (40 en cada obradoiro). A confirmación da admisión en cada obradoiro comunicarase por correo electrónico ao enderezo que facilitará a persoa interesada no formulario de preinscrición. Posteriormente publicaranse as listaxes na web do CUFIE.

Para que un obradoiro poida celebrarse require dun mínimo de 15 participantes.

Anulación de inscrición:

Toda aquela persoa que non puider asistir o obradoiro en que sexa admitida, debe comunicalo ao CUFIE, para avisar outra persoa interesada da listaxe de agarda.

O prazo de notificación da renuncia ao curso é de 3 días lectivos antes do inicio do obradoiro e terá que ser enviada, por correo electrónico ao enderezo ufa@udc.es.

Criterios de asignación de prazas:

As prazas adxudicaranse por orden de recepción das solicitudes do formulario habilitado.

Acreditación dos obradoiros:

Emitirase un único documento acreditativo expedido pola Universidade da Coruña, asinado polo vicerreitor de titulacións e internacionalización e o director do CUFIE, no que se recollerá só aqueles obradoiros nos que se participou e o número de horas totais cursadas. Este certificado emitirase ao remate do último dos obradoiros.

Os certificados enviaranse por correo electrónico á conta de correo corporativo da persoa interesada.

Para que a participación sexa certificada terase a obriga de asistir un mínimo do 85% do obradoiro e, de ser o caso, superar as tarefas asignadas.