A rede EURAXESS é unha iniciativa europea, respaldada pola Comisión Europea, que ten como obxectivo facilitar a mobilidade e o desenvolvemento profesional dos investigadores.

EURAXESS ten representación en 40 países, con máis de 300 puntos de contacto, operando como unha rede de intercambio de información. España conta con máis de 100 membros, e a Universidade da Coruña uniuse en xullo de 2023.

No noso servizo, podes recibir asesoramento personalizado para investigadores de fóra de España interesados en unirse á UDC nas seguintes áreas:

• Permisos e autorizacións administrativas para o interesado e a súa familia inmediata (1º grao de consanguinidade).
• Asistencia na busca de aloxamento temporal e permanente.
• Información sobre escolarización no caso de investigadores con fillos.
• Tramitación de procedementos burocráticos con administracións estatais, rexionais e locais: obtención de NIE (número de identificación de estranxeiros), SERGAS (Servizo Galego de Saúde) e tarxetas sanitarias europeas, inscrición no censo municipal, apertura dunha conta bancaria, etc.
• Orientación profesional para parellas e/ou outros familiares (1º grao de consanguinidade). Asesoramento ao persoal da UDC interesado en contratar persoal investigador estranxeiro.

Podes contactar connosco en euraxess.vit@udc.gal ou no 881015783