O Plano de Acción Titorial (PAT) da Universidade da Coruña foi implementado co fin de adaptar a cultura de titorización do profesorado á filosofía e obxectivos neste campo marcados para o Espazo Europeo de Educación Superior.

O PAT ten como principais obxectivos mellorar a calidade formativa do proceso de titorización do profesorado e oferecer a cada estudante universitario o apoio e o acompañamento académico dunha persoa de referencia no centro de estudos durante toda a súa traxectoria formativa.

A Facultade de Filoloxía desenvolveu o correspondente Plano de Acción Titorial xa desde o curso 2007–2008, adiantándose ás directrices marcadas polo Espazo Europeo de Educación Superior. Neste momento, a totalidade do alumnado do centro, tanto de grao como de mestrado, participa nel e conta cun/ha titor/a desde o inicio dos seus estudos.

O desenvolvemento do PAT na Facultade de Filoloxía acompaña as indicacións emanadas da coordenación do PAT da Universidade da Coruña.