O Laboratorio de Radioactividade Ambiental da Universidade da Coruña (LRA-UDC) foi creado en 1997 tras a sinatura dun convenio de colaboración co Consello de Seguridade Nuclear (CSN), polo que pasou a formar parte da Rede de Estacións de Mostraxe (Revira), sendo o único en toda a comunidade autónoma de Galicia para este fin e con estas características.

Ten un director e tres técnicos, que se amosan na seguinte imaxe, respectivamente.

• 2 Espectrómetros gamma de Ge Canberra XTRA GX2520.
• Sistema de espectrometría alfa Canberra Alpha Analyst PIPS A450-18AM.
• Contador proporcional alfa/beta de fluxo continuo de gas Berthold LB770.
• Monitor de radiación gamma Exploranium GR135.
• Sistema Radosys Radometer 2000 e baño RB4 para o desenvolvemento de dosímetros de radón.
• Monitor de radón Alphaguard PQ 2000PRO.
• Monitor de radón Sun Nuclear Sentinel 1030.
• Monitor de radón SunRADON 1028 XP.
• 6 monitores de radón Radoneye RD200.
• Espectrómetro de absorción atómica Perkin Elmer Aanalyst 300.
• Sistema de dosimetría TLD Cube.

Desde a súa creación, o LRA-UDC realizou diversos tipos de traballos para organizacións públicas, empresas, universidades e particulares. Estes van dende a caracterización radiolóxica de mostras ambientais (aire, auga, leite, solo e dietas típicas) para o CSN (Consello de Seguridade Nuclear) desde 1997, ata a caracterización radiolóxica de residuos de tanques de gaseiros para Navantia desde 2004, e a caracterización radiolóxica de lodos vermellos, alúmina e aluminio para Alcoa, entre outros.

Outra liña de traballo do LRA-UDC céntrase na medición de gas radón (medición continua e detectores de trazas). O LRA-UDC leva medindo o gas radón nos edificios de Navantia Ferrol-Fene desde 2012, en todos os edificios da Universidade da Coruña desde 2013, en Alcoa desde 2015 e en todos os edificios de Telefónica na comunidade autónoma de Galicia, así como en edificios das Illas Canarias, Ávila, Segovia e Collado Villalba, desde 2016, entre moitos outros.