O obxectivo fundamental do grupo MARES (Materials and renewable energy for engineering, environment and sustainability) é investigar en diferentes ámbitos da enxeñaría coa finalidade de mellorar a sustentabilidade e diminuír o impacto ambiental de actividades industriais diversas. Para acadar este obxectivo, o grupo especialízase en tres sectores fundamentais, que conforman as súas tres liñas de investigación principais descritas a continuación. Dado que a maior parte dos integrantes do grupo exercen a súa labor profesional no eido da docencia universitaria en enxeñería, o grupo conta cunha cuarta liña que se considera transversal, e que se encadra no campo da investigación en educación.
As liñas de investigación principais do grupo son as seguintes:
Nesta liña analízase a viabilidade técnico-económica e análise de ciclo de vida (LCA) e LCC (Life-Cycle Cost) dos distintos tipos de enerxías renovables mariñas, tales como: enerxía eólica mariña, enerxía undimotriz, enerxía fotovoltaica mariña, enerxía maremotriz, etc., así coma as diversas fontes de almacenamento de enerxías renovables, tales coma: hidróxeno verde, baterías,etc. A investigación que se desenvolve dentro desta liña resulta fundamental para cumprir os obxectivos de descarbonización propostos pola Unión Europea, aliñándose con varios dos obxectivos ODS establecidos, por canto implica o impulso do desenvolvemento e implantación de enerxías renovables e a substitución de formas de xeración de enerxía máis tradicionais e máis contaminantes.
Esta liña céntrase na optimización da composición e estados estruturais de materiais metálicos co obxectivo de aumentar a durabilidade dos mesmos. O grupo especializase na caracterización metalográfica, mecánica e tribolóxica de materiais, coa finalidade de atopar alternativas que incrementen a sostenibilidade dos sistemas.
A terceira liña do grupo é a xestión eficiente da enerxía eléctrica. Dentro dela realízanse estudos e análises sobre a eficiencia e a calidade da onda de subministración nas redes de distribución de baixa tensión, cuantificando as perturbacións existentes e implantando solucións que permitan aumentar a eficiencia das instalacións eléctricas. O obxectivo particular de esta liña é o análises das perdas e sobrecustos nos que se incorre como consecuencia do uso de sistemas eléctricos non optimizados.
Innovación docente desde o punto de vista de novas metodoxías docentes, novos sistemas de avaliación docente, etc. aplicada a titulacións STEAM (Science, Technology, Engineering, Arts and Mathematics).