A convocatoria de mobilidade nacional SICUE para o curso 2026/2027 xa está aberta. O programa SICUE permite a estudantes realizar parte dos seus estudos noutra universidade española con recoñecemento académico garantido, ampliando a súa formación e experiencia nun contexto diferente dentro do propio sistema universitario español. Podes consultar a oferta de prazas aquí.

O prazo de presentación de solicitudes permanecerá aberto desde o 30 de xaneiro ata as 23:59 h do 13 de febreiro de 2026. Antes de formalizar a solicitude, é imprescindible contar co visto e prace da coordinadora SICUE do teu centro.

Consulta os requisitos académicos e o procedemento completo aquí.