A Coruña, 19 de outubro de 2022.- A Escola Técnica Superior de Náutica e Máquinas da Universidade da Coruña acollerá mañá, xoves, 20 de outubro, a xornada “Profesións do Mar”, organizada por GALP Golfo Ártabro Sur coa colaboración da UDC.

O reitor, Julio Abalde, e o presidente de GALP Golfo Ártabro Sur, Alberto A. Castro, xunto co director da Escola, Manuel Romero, e a delegada territorial na Coruña da Consellería do Mar, María Cancelo, abrirán as actividades mañá ás 9:00 horas.

O obxectivo desta iniciativa é amosar ao alumnado universitario e de formación profesional as saídas laborais no mar da man de persoas que traballan ligados a el, as oportunidades que ofrece e a maneira de chegar a estes postos de traballo.

Para iso, organizouse unha xornada dividida en catro mesas de debate:

9:30h. Mesa 1: Navegación e Salvamento marítimo. 

• Pedro García – Capitán Marina Mercante.
• Ramón Varela– Xefe de Máquinas Mercante.
• Brigada Sonia Mª Martínez e Cabo Primeiro Juan C. Seoane – Forzas Armadas.
• Bernardo V. Viqueira – Xefe do Centro de Coordinación de Salvamento Marítimo.
•  

10:45h. Mesa 2: Transporte e Loxística. 

• Walter del Río – Práctico Maior da Coruña.
• Enrique Sedofeito – Pérez Torres Marítima.
• Alejandro Rey – Autoridade Portuaria Ferrol-San Cibrao.

12:15h. Mesa 3: Offshore 

• José Cubeiro – ACSM.
• Laura Castro – Escola Politécnica de Enxeñaría de Ferrol.

13:00h. Mesa 4: Medio Ambiente 

• Antonio Martínez– Estaleiros Navantia.
• Jose M. Pena – Forestal del Atlántico.
• Lucía Fraga – CETMAR.
• Lucía Cañás – IEO Coruña.

Esta xornada complementarase con outra organizada o día 7 de novembro que se levará a cabo no CIFP Universidade Laboral da Coruña, que contará con outras mesas: Pesca e Marisqueo, Comercialización, Medio Ambiente, Salvamento Marítimo e Acuicultura e, por último Turismo e Divulgación.