Ana Rivas del Pozo, estudante de Arquitectura, viaxa a Guatemala coa ONG ARQUITECTURA SIN FRONTERAS para a rehabilitación, reforma, ampliación e nova construción dun centro de saúde, vivendas e un instituto; así como fortalecer as capacidades das organizacións comunitarias e os individuos en prol dun desenvolvemento integral da comunidade.
Beatriz Sierra Romero, estudante de Arquitectura, viaxa a Guatemala coa ONG ARQUITECTURA SIN FRONTERAS para facer un seguimento e supervisión da rehabilitación, reforma e nova construción dun centro de saúde e dun centro de atención permanente na zona. Tamén vai coa finalidade de elaborar un estudo que relacione a prevención de enfermidades a través dunha boa construción, e recoller información sobre un proxecto construído con anterioridade para elaborar o documento de Criterios de Deseño de Centros Educativos.
Carlos Gil Soriano, estudante do Mestrado Universitario en Dereito, viaxa a Nicaragua coa ONG SÓLIDA para dotar de formación técnica aos e as axentes para que adquiran as competencias necesarias que lles permita captar fondos das organizacións e institucións que operan na esfera internacional e, con elo, poidan financiar proxectos que supoñan un desenvolvemento para a rexión.
Carlota Marina Romeu Barreiro, estudante do Grao en Educación Social, viaxa a Nicaragua coa ONG SOLIDARIEDADE INTERNACIONAL DE GALICIA para romper os prexuízos e estereotipos de xénero, concienciar sobre a situación do medioambiente e o cambio climático, dar a coñecer os Dereitos Humanos, e promover o desenvolvemento de competencias prelaborais necesarias para o acceso e mantemento dun emprego.
Cristina Dans Iglesias, estudante do duplo Grao en Dereito e ADE, viaxa a Nicaragua coa ONG SÓLIDA para a consecución dun plan de desenvolvemento sostible para o Instituto tecnológico de las Segovias, así como a análise doimpacto económico e social do Comercio Xusto e o modelo de Direct Trade nos productores de café nicaragüenses e os seus traballadores.
David Pou Villar, estudante do Grao en Comunicación Audiovisual, viaxa a Ecuador coa ONG AYUDA EN ACCIÓN para apoiar o fortalecemento dos e das menores comunicadores de Calvas co propósito de que melloren os seus procesos de deseño, difusión e promoción de produtos comunicacionais, que incorpore elementos de igualdade de xénero, xestión de riscos e dereitos. Alén diso, tamén realizará unha reportaxe coa información recollida en Ecuador.
Dolores Andújar Rogel, estudante do Grao en Educación Social, viaxa a Honduras coa ONG ACOES para favorecer o acceso á educación como dereito e ferramenta de transformación social que, no caso dos kinders, consistirá no ensino da preescritura e prelectura ao mesmo tempo que se traballa o desenvolvemento da súa autonomía e as súas habilidades sociais e afectivas a través do teatro.
Lorena Martínez Cernadas, estudante do Grao en Educación Social, viaxa a Honduras coa ONG ACOES para promover unha cidadanía crítica capaz de cooperar de forma efectiva na mellora do seu entorno, defendendo os seus dereitos, e fomentando unha rede de colaboración e cooperación para que traballen conxuntamente.
Paula Vázquez Touceda, estudante do Mestrado Universitario en Migracións Internacionais, viaxa a Honduras coa ONG ACOES para mellorar as condicións de vida dos nenos, nenas e mozas e mozos da colonia, así como integralos familiar e socialmente.
Rebeca Núñez Longueira, estudante do Grao en Comunicación Audiovisual, viaxa a El Salvador coa ONG ASAMBLEA DE COOPERACIÓN POLA PAZ para a realización de curtas documentais sobre a dura situación dos pesqueiros de Bajo Lempa. Ademais tamén traballará no obradoiro de radio do Colexio de San Salvador de Cooperación pola Paz na zona.
Samuel Costa Rodríguez, estudante do Grao en Arquitectura Naval, viaxa a El Salvador coa ONG ASAMBLEA DE COOPERACIÓN POLA PAZ para acondicionar a flota pesqueira de Bajo Lempa a través da análise e mellora das infraestruturas pesqueiras, de dotar de novos recursos pesqueiros e de empregar novos métodos de pesca que melloren a seguridade e a eficacia dos pescadores.
Sergio Bao García, estudante do Grao en Arquitectura, viaxa a Honduras coa ONG ACOES para aportar os seus coñecementos técnicos nos proxectos que a ONG desenvolve nos centros de capacitación xuvenil e nas escolas nocturnas, adaptadas a mozos, mozas e adultos con baixos recursos económicos que desexan reincorporarse ao sistema educativo.
Silvia Rodríguez Fernández, estudante de Doutoramento, viaxa a Ecuador coa ONG HEIFER ECUADOR para realizar unha visita ás diferentes comunidades situadas nas provincias da “Región Sierra” para así coñecer os diferentes proxectos que están a desenvolver; os procesos produtivos; as problemáticas das áreas en canto a comunicacións, clima, subministro de enerxía, materiais ou produtos de primeira necesidade; e a influencia que isto está a supoñer nos proxectos actuais. Ademais tamén ten como finalidade colaborar con estas comunidades para a implementación de cultivos con certificado ecolóxico de diferentes especies de interese nestas comunidades.