Mª Carmen Becerra Rodríguez, estudante do Grao en Educación Social, viaxa a Honduras coa ONG ACOES para colaborar nos centros educativos infantís (kinders), especialmente no tema da desnutrición, as habilidades e destrezas para a adquisición de novos conceptos, a integración dos menores no medio que lles rodea, e a preparación dos menores para a súa asistencia a un centro educativo normalizado.
Alba Caneda Otero, estudante do Grao en Educación Social, viaxa a Honduras coa ONG ACOES, para participar nos proxectos que a ONG ten na capital, principalmente, nos centros de capacitación xuvenil e nos kinders. Acompañará ao cativos e cativas nas tarefas diarias de cada programa.
Ana Castro Sanjurjo, estudante do Grao en Educación Social, viaxa a Ecuador coa Fundación Axuda en Acción para colaborar no proxecto que esta ONG ten nos barrios marxinais da cidade de Quito, con nenos e nenas traballadores na rúa e en situación de risco, axudándoos a estudar mediante un programa orientado a favorecer o acceso e a permanencia no medio escolar, comprometendo as tarefas de mestres, familia, nenos, nenas, mozos e mozas.
Tamara Estraviz Cebral, estudante do Grao en Educación Infantil, viaxa ao Perú coa ONG Amigos Escaes. Enmarca o seu proxecto dentro do eido da educación co obxectivo de dar a coñecer outras alternativas da perspectiva de xénero, de cara a favorecer a actividade diaria na zona beneficiaria.
Raúl Fraiz Gómez, estudante do Grao en Terapia Ocupacional, viaxa coa Fundación Axuda en Acción a Perú, co fin de contribuir ao melloramento das condicións de vida dos sectores sociais máis desfavorecidos, coadxuvando tamén esforzos con outras ONG con similares obxectivos, en concreto, á diminución da desnutrición infantil. Participará en actividades preventivas promocionais nos diferentes casaríos de intervención.
Lucía García-Cernuda Ruiz de Alda, estudante do Grao en Arquitectura, viaxa coa ONG Arquitectura sen Fronteiras a Guatemala. A súa labor será participar nun proxecto de habitabilidade básica das familias que se atopan en extrema pobreza e maior vulnerabilidade, a través da construcción de 30 vivendas en tres comunidades do municipio. Tamén traballará na mellora da calidade educativa con pertinencia cultural e de xénero, na formación da infancia e a xuventude dese municipio.
Olalla Iglesias Sánchez-Biezma, estudante do Grao en Educación Social, viaxa a Honduras coa ONG ACOES. O seu proxecto está prantexado a través do traballo de fin de grao, para documentar por escrito a influencia que o proxecto Populorum Progressio ten para as mulleres beneficiarias no seu día a día, e poder convertir a dita documentación nun material de Eduación para o Desenvolvemento á súa volta.
Sabela Girón Gesteira, estudante do Grao en Arquitectura, viaxa coa ONG Arquitectura sen Fronteiras a Guatemala. A súa labor será participar nun proxecto de habitabilidade básica das familias que se atopan en extrema pobreza e maior vulnerabilidade, a través da construcción de 30 vivendas en tres comunidades do municipio. Tamén traballará na mellora da calidade educativa con pertinencia cultural e de xénero na formación da infancia e a xuventude dese municipio.
Edgar Medina Fernández, estudante do Grao en Arquitectura, viaxa coa ONG Alianza pola Solidariedade a Mozambique. O seu PCR consistirá en participar do fortalecemento do municipio de Vila Mueda, dotándoo dun instrumento de desenvolvemento urbanístico e definindo os principios e modelos da organización territorial municipal a través dos cales se poidan establecer estratexias que xeneren un desenvolvemento eficaz e sostible no lugar.
Ainhoa Ramallal Franco, estudante do Grao en Educación Social, viaxa coa ONG Solida a Honduras para fomentar a expresión das emocións e mellorar a autoestima e o desenvolvemento da creatividade, a través de actividades artístico culturales con rapaces en exclusión social.
Mirian Rial Alonso, estudante do Grao en Socioloxía, viaxa a Nicaragua con Solidariedade Internacional de Galicia para participar na investigación sobre a situación do manexo forestal do bosque en Nueva Segovia por parte de Instituto de Liderazgo de Las Segovias.
Silvia Rodríguez Fernández, estudante do doutoramento en Bioloxía Ambiental, viaxa coa ONG Ecodesarrollo Gaia para participar nun proxecto que fomenta o cultivo de especies de plantas medicinais co fin de darlle unha alternativa de desenvolvemento ás Eco-community of Guede Chantier.
Patricia Rodríguez Varela, estudante do Grao en Terapia Ocupacional, viaxa coa ONG Asamblea de Cooperación pola Paz para mellorar as condicións de habitabildade saudable e xestión de auga, con especial incidencia no fortalecemento da organización comunitaria de 42 comunidades do Baixo Lempa, no Municipio de Jiquilisco.
Alba Santa Escolástica Piñón, estudante do Grao en Educación Social, viaxa a Honduras coa ONG Acoes, para participar no proxecto de prevención social de nenos e xóvenes e grupos en situación de risco. As liñas de intervención enmarcánse dentro da mellora das relacións sociais e o desenvolvemento individual, a integración nos procesos educativos e a formación profesional, así como o traballo coas familias.