A mobilidade do estudantado de doutoramento que realice estadías temporais para desenvolver investigación relacionada coa súa tese, rexerase pola normativa vixente, mais información, na páxina web da Oficina de Relacións Internacionais (ORI):

• Regulamento 3/2025, do 26 de febreiro, do Consello de Goberno, sobre mobilidade internacional do estudiantado da UDC
• Regulamento de Estudios de Doctorado da Universidade da Coruña (Aprobado en Consello de Goberno do 01/10/2024, e modificado en Consello de Goberno do 07/11/2024)
   

• Toda persoa adscrita ou vinculada á UDC que realice unha estadía temporal de investigación nunha entidade externa, nacional ou internacional, terá que comunicalo con anterioridade ao Equipo de Xestión da Investigación (EXI), mediante correo electrónico a catalogo@udc.gal
• A estadía deberá ter unha duración mínima dunha semana e máxima dun ano. 
• Unha vez rematada a estadía, e dentro dos 15 días naturais seguintes, a persoa investigadora saínte terá que remitir un documento acreditativo da estadía, mediante correo electrónico a catalogo@udc.gal, agás nos casos en que esta fose xestionada pola UDC.

Este procedemento non é necesario para as estadías por participación en congresos, xornadas e similares, ou cunha duración inferior a unha semana. 

 

A mobilidade saínte do PDI que realice estadías de investigación rexirase de maneira complementaria por:

• Normativa de permisos e licenzas do persoal docente e investigador
• Acordo Consello de Goberno do 22/12/2016 modificación da Normativa de permisos do PDI
   

• A persoa investigadora entrante deberá contar coa conformidade dun membro PDI ou persoal investigador da UDC, que deberá presentar unha solicitude de admisión.
• Modelo de solicitude de admisión no programa de investigadores visitantes (enviar a  catalogo@udc.gal) 
• No caso de persoas extracomunitarias, deberase anexar tamén unha copia do pasaporte.
• Tras a aceptación da estadía, as persoas investigadoras visitantes recibirán unha carta oficial de invitación, que poderán empregar para solicitar o visado.
• Antes da chegada á Universidade, a persoa visitante deberá remitir por correo electrónico a catalogo@udc.gal a documentación correspondente, dacordo co artigo 6 do regulamento. 
   

• A persoa investigadora visitante deberá informar ao EXI (por correo electrónico a catalogo@udc.gal) do comezo da estadía. Unha vez autorizado e rexistrado, o persoal investigador visitante da UDC poderá acceder e/ou utilizar os servizos xerais da Universidade como a biblioteca, os sistemas de comunicación e de apoio á investigación.
   

• As persoas investigadoras visitantes inscritas no Rexistro do Persoal Investigador Visitante recibirán unha certificación oficial da estadía.