Accións Marie Skłodowska-Curie
As accións Marie Sklodowska-Curie procuran garantir o desenvolvemento óptimo e o uso dinámico do capital intelectual de Europa. A súa principal finalidade é de apoiar a mobilidade, a formación e a mellora do desenvolvemento da carreira profesional de investigadores e investigadoras en todo o mundo, que queiran exercer a súa profesión en Europa.
Postdoctoral Fellowships (PF-MSCA)
Son proxectos individuais de formación e investigación. O seu obxectivo é favorecer a excelencia a través da execución dun proxecto de investigación, mellorando a creatividade e o potencial de innovación de investigadores e investigadoras posuidores xa dun título de doutor, con experiencia non superior aos 8 anos desde a súa tese doutoral.
Existen dúas modalidades:
- European Postdoctoral Fellowships.
- Global European Fellowships.
Doctoral Networks (DN-MSCA)
Trátase de consorcios para a contratación de doutorandos. Os consorcios deben estar formados por un mínimo de tres entidades independentes. Existen tres tipos de redes doutorais:
- General Doctoral Networks
- Industrial Doctoral Networks
- Joint Doctoral Networks
Staff Exchanges (SE-MSCA)
Son proxectos colaborativos de I+D+i desenvolvidos a través de intercambios de persoal investigador e innovador entre entidades públicas e privadas de dentro e fóra de Europa.
Co-funding programmes (MSCA-Cofund)
Trátase da cofinanciación de programas de mobilidade relacionados coa investigación. Son accións dedicadas a cofinanciar esquemas institucionais, rexionais ou nacionais novos ou preexistentes, para a formación doutoral ou para axudas adicadas á contratación de posdoutorais, cunha vertente internacional.
MSCA & CITIZENS
Procuran achegar a investigación e a actividade do persoal investigador a un público xeral, e con iso mellorar o coñecemento sobre o papel que a investigación xoga no desenvolvemento da sociedade e o seu impacto na nosa vida cotiá.
Procura de candidatos PF-MSCA
Os investigadores da UDC están a buscar investigadores postdoutorais altamente motivados para formar parte dos nosos equipos de investigación. Se estás interesado en solicitar as axudas PF-MSCA por favor envía un correo electrónico a talento.ocpi@udc.gal.
Desde a OCPI ofrecemos apoio, formación e orientación para investigadores e supervisores dentro desta convocatoria.
