Adriana Ávila Álvarez. Profesora contratada doutora da Facultade de Ciencias da Saúde, estivo en Colombia para avaliar os efectos da intervención con pantallas táctiles no reforzo das capacidades cognitivas das persoas con/sen discapacidade ou en risco de marxinación social en Neiva e Bogotá.

Plácido Lizancos Mora. Profesor titular do Departamento de Representación e Teoría Arquitectónicas, colaborou coa ONGD Arquitectos Sen Fronteiras nun proxecto sobre a intervención do Plan de investimento provincial en saúde que esta ONGD desenvolve en Inhamabe, Mozambique.

Sandra Martínez Costa. Profesora do Departamento de Humanidades da Facultade de Ciencias da Comunicación, viaxou ao Ecuador para colaborar nun proxecto da ONG Axuda en Acción sobre a elaboración de campañas publicitarias e estratexias de márketing que impulsen a economía local dos cantóns Espejo e Mira, na provincia de Carchi.

Alberto Rellán López. Técnico de I+D da Oficina de Transferencia de Resultados de Investigación, participou no proxecto ECUIDIT para coñecer a realidade do sistema de educación superior do Ecuador e contribuír a sentar as bases da asociación na rede I+D-i+T de universidades ecuatorianas.

Félix Sánchez-Tembleque Díaz-Paché. Técnico superior en Sistemas Mecánicos e profesor asociado a tempo parcial, colaborou nun proxecto sobre a xestión de recursos hídricos en catro cuncas da provincia de Cabo Delgado (Mozambique), impartindo formación aos técnicos locais de diferentes administracións.

Gabriel Torres Tobío. Profesor titular doutor da Facultade de Ciencias do Deporte e a Educación Física, viaxou a Colombia para desenvolver un proxecto sobre prevención da drogadicción, deporte no tempo libre, ensinanza e implementación das ferramentas informáticas Hanball e test en líderes comunitarios das zonas rexionais desfavorecidas da cidade de Neiva