O Plan de normalización lingüística (PNL), aprobado sen nigún voto en contra, establece como obxectivos xerais os seguintes: 

• Aumentar a sensibilidade da comunidade universitaria sobre o uso do galego.
• Velar polo cumprimento das leis e das normativas de que nos dotamos colectivamente (a comunidade universitaria e a sociedade galega) en materia de normalización lingüística.
• Garantir a posibilidade de se expresaren en galego, oralmente e por escrito, os membros da comunidade universitaria que o desexaren.
• Propiciar que o galego sexa a lingua habitual de comunicación, de expresión e de traballo da comunidade universitaria.
• Conseguir para a lingua galega máis espazos de uso e fomentar a súa presenza en sectores estratéxicos.
• Promover unha visión de utilidade e de modernidade da lingua galega.
• Dotar o galego dos recursos lingüísticos e técnicos necesarios que o capaciten para vehicular a vida moderna.
• Impulsar o plurilingüismo na comunidade universitaria.
• Difundir a nosa realidade lingüística fóra da comunidade autónoma galega.

Composición da Comisión de Seguimento do Plan de Normalización Lingüística

Acceso ao texto íntegro do PNL