A Custodia do Territorio é unha estratexia de conservación definida pola Lei 42/2007, de 13 de decembro, de Patrimonio Natural e da Biodiversidade, segundo a cal:

As Administracións Públicas fomentarán a custodia do territorio mediante acordos entre entidades de custodia e propietarios de fincas privadas ou públicas que teñan por obxectivo principal a conservación do patrimonio natural e a biodiversidade.

Os usos universitarios do espazo, particularmente aqueles relacionados coa docencia, a investigación, a formación e sensibilización ambiental de toda a comunidade universitaria, son un factor a termos en conta, ademais dun activo imprescindible deste proxecto de custodia.

Outro piar da custodia do espazo é a participación da cidadanía local. En particular, están a participar os colectivos ecoloxistas ADEGA e HABITAT, que desde o inicio do curso 2017-2018 están a contribuír coa realización de diferentes actividades de estudo e conservación do espazo, ademais de participar na elaboración do proxecto básico de custodia.

Proxecto de Custodia Monte da Fraga (informe 2017)

Nova do convenio na web do Concello da Coruña

MEMORIAS DE ACTIVIDADES MONTE DA FRAGA:

Ano 2017  |  Ano 2018  |  Ano 2019  |  Ano 2020  |  Ano 2021  |  Ano 2022  |  Ano 2023 | Ano 2024

INFORMES SECTORIAIS:

• Inventarios de biodiversidade no Monte da Fraga: Ano 2018 | Ano 2020 | Ano 2023 (experiencia fototrampeo)
• Informe da situación do Monte da Fraga en xuño 2020 (post-confinamento Covid)
• Informes da revisión dos refuxios de fauna (aves, morcegos, insectos) do Monte da Fraga: Ano 2020 | Ano 2021 |Ano 2023
• Crónica da asistencia ao Seminario técnico LIFE Stop Cortaderia, 2020 

• Memoria do estudo Flora exótica invasora no Campus de Elviña-A Zapateira (2010). Este estudo pon de manifesto a presenza de dezaseis especies de flora exótica invasora, entre as que salientan a Cortaderia selloana, Eucaliptus globulus, Conyza canadensis, Oxalis sp. e Acacia dealbata.
• Informe do mapeado da flora exótica invasora no Monte da Fraga (2018): As principais especies problemáticas en 2010 seguen a selo 8 anos despois, aínda que o inventario se reduciu a 12 especies, se ben cabe indicar que o estudo de 2018 foi feito nunha soa xornada e para o espazo específico do Monte da Fraga.