Que facemos co resto dos residuos?

Na cidade hai servizo de ONG para a recollida de aceite e roupa usada, e no teléfono 010 podes informarte sobre outros servizos de recollida de residuos especiais.

 

Algunhas indicacións son:

- Restos de podas e céspede: no contedor verde (orgánico) se a cantidade é menor de 60 litros (1/4 do volume do contedor). Noutros casos, hai que proceder segundo a ordenanza correspondente.

- Aceite vexetal usado (frituras, aderezos, líquido das latas de conserva...): contedores específicos de ONG que o recollen. Podes contactar con Mulleres Colleiteiras

- Roupa: contedores específicos de ONG na rúa.

- Pilas: hai máis de 1000 puntos colaboradores na cidade.

- Medicamentos e produtos de uso terapéutico: nas farmacias.

- Mobles, electrodomésticos, colchóns, e outros voluminosos: infórmate no teléfono 010.

 

Aos puntos limpos

A Coruña conta con dous puntos limpos situados nos barrios dos Rosales e en Eirís, e un punto limpo móbil que percorre as rúas da Coruña. Tamén conta con outros dous puntos limpos nos polígonos industriais de Agrela e Pocomaco.

 

- Residuos especiais: pequenos electrodomésticos, móbiles, discos...

- Residuos perigosos do fogar: produtos de limpeza do fogar, cosméticos e produtos de hixiene persoal, colas e adhesivos, pinturas, vernices e disolventes, insecticidas e antiparasitarios, aceites minerais, aditivos e outros fluídos de maquinaria,  fluorescentes, baterías eléctricas...

Localización dos puntos limpos na Coruña: Mapa

 

Localización dos puntos limpos no Consorcio das Mariñas: Mapa