Nos estudos propios que requiren titulación universitaria previa, para o caso de alumnado con titulacións españolas "pre-Bolonia" o Ministerio de Universidades dispón dun catálogo na páxina CORRESPONDENCIAS MECES (clicar en "Catálogo de títulos universitarios "pre-Bolonia" por áreas"). No caso do alumnado con titulos alleos ao Espazo Europeo de Educción Superior (EEES) deberán presentar xunto co título un documento expedido por unha autoridade competente que exprese que o título que posúe facilita, no país expedidor deste, para o acceso a ensinanzas de Máster ou de Posgrao, así como unha certificación académica dos estudos realizados, na que conste a duración oficial (en cursos académicos/semestres/etc.), as materias cursadas, a carga lectiva de cada materia (horas ou créditos), a cualificación de cada materia e a escala de cualificacións.

Por outra banda, o artigo 6.6 do Regulamento de Estudos Propios permite acceder e matricularse nun estudo de posgrao propio a quen lle reste por superar o traballo de fin de grao (TFG) e como máximo ata 9 créditos ECTS, mais en ningún caso poderá defender o traballo fin de máster ou solicitar o título propio se previamente non obtivo o título de grao. O alumnado nesta situación debe proporcionar, en lugar do titulo de graduado universitario, unha certificación académica na que conste que só lle restan por superar o TFG  e como máximo ata 9 créditos ECTS para obter o titulo.

1. No portal https://servizos.udc.es fai clic en Activar a túa conta de servizos. Introduce o NIA como código de activación
2. A continuación, segue o proceso cubrindo a información solicitada na pantalla e preme en Activarme
3. Ao final do proceso disporás do teu nome de usuario e contrasinal para utilizar en calquera servizo telemático da UDC.