DÍA INTERNACIONAL DA MULLER

Con motivo da celebración cada 8 de marzo do Día internacional da muller, a biblioteca ven realizando exposicións en colaboración coa Oficina de Igualdade de Xénero da UDC coa finalidade de visibilizar e poñer en valor a produción literaria, científica e artística de distintas autoras.

• 2014. Concepción Arenal, Ángeles Durán e Saskia Sassen (sociólogas).
• 2015. Detrás das cámaras: cine dirixido por mulleres. Exposición de films de case 100 directoras pertencentes á nosa colección audiovisual
• 2016. Muller e ciencia. Con motivo do 11 de febreiro, Día Internacional da Muller e a Nena na Ciencia
• 2018. As mulleres contamos.
• 2019. Maternidades subversivas.
• 2020. Eu voto. Eu elixo
• 2022. Mulleres e guerra
• 2023.Mulleres e Islam
• 2024.Ollares feministas para o cambio global
• 2025. Para todas as mulleres e as nenas. Dereitos. Igualdade. Apoderamento

CINE

Durante todo ano 2010 a biblioteca organizou unha serie de exposicións monográficas sobre Festivais Internacionais de Cine: Cannes, Goya, Oscars, San Sebastián e Venezia.

A selección de obras, centrada no periodo (2004-2009), foi apoiada por un traballo previo de adquisición de coleccións sobre esta temática.

25 ANOS DE SOCIOLOXÍA

No 1992 comezou a rodar a titulación de Socioloxía na UDC, a única en todo o territorio galego, e durante o curso 2016-2017 realizáronse actos de conmemoración nos que participou a biblioteca recompilando a produción científica do profesorado que impartiu e imparte docencia neste centro.

BOAVENTURA DE SOUSA SANTOS

O 19 de setembro de 2018 o sociólogo portugués Boaventura de Sousa Santos é nomeado Doutor Honoris Causa pola Universidade da Coruña. Na biblioteca quixemos aproveitar a ocasión para realizar unha exposición bibliográfica coas súas obras, obras en colaboración, artigos en revistas e documentos sobre a súa figura que forman parte da colección da Biblioteca da UDC.