As revistas en papel, excepto os números máis recentes, que están no mostrador de novidades, están na hemeroteca ordenadas alfabéticamente.
Non, as revistas están excluídas do préstamo a domicilio, pero podes sacalas a fotocopiar tras a presentación no mostrador da tarxeta universitaria.
Podes consultar directamente as revistas electrónicas se o fas desde algún dos ordenadores da rede da UDC e tamén desde o teu portátil ou dispositivo móvil se estás conectado a través de WIFI. Para acceder desde fóra debes antes “acceder dende fóra da UDC”.
Busca a revista no catálogo da Biblioteca e preme na ligazón “Texto completo” ou no botón SFX. Tamén podes buscar a revista no buscador de recursos electrónicos.
Non, a subscrición a unha revista electrónica non implica o acceso a todos os números desta que foron publicados. Ademais, hai editores que aplican un “período de embargo”, é dicir, non dan acceso aos últimos números publicados, por exemplo, no último ano, só a aqueles que levan publicados máis tempo.
Tamén pode ocorrer que unha revista que comezou a publicarse no ano 1991, por exemplo, só dea acceso a números publicados desde 1998 ata a actualidade.
Se non encontras o número de revista que necesitas, consulta no buscador de recursos electrónicos xa que hai títulos de revista aos que se pode acceder a través de distintos enlaces con distinto contido cada un deles.