VANTAXES

Ao Iniciar sesión en Crunia , poderá:

• Ver os seus préstamos e renovalos. Acceder ao historial dos seus préstamos.
• Coñecer as condicións de préstamo de cada material.
• Facer e Ver as súas solicitudes e reservas.
• Gardar buscas e rexistros preferidos.
• Acceder aos seus favoritos: buscas gardadas, rexistros gardados e historial de busca.
• Ver en liña os materiais electrónicos adquiridos pola Biblioteca Universitaria no caso de formar parte da Comunidade Universitaria (estudantes, PAS e PDI).

Pódese renovar o período de préstamo de tódolos documentos sempre que outro usuario non os solicitase, non estea o documento reservado e a persoa usuaria non teña sancións. A renovación pódese facer a través de Crunia, "Os meus préstamos",

por teléfono ou persoalmente en calquera das bibliotecas. Contabilízase a data de renovación a partir do día no que ésta é solicitada.

Pódense facer reservas de títulos prestados ou dispoñibles. Para reservalos hai que estar identificado en Crunia. Para solicitar o reservar un exemplar, busque no catálogo e prema no material desexado. En "Obtelo" prema en "Solicitar/Reservar":

ou diríxase ao persoal da súa biblioteca. As reservas caducan 48 horas despois de ser recibidas na biblioteca e de que o usuario sexa avisado por correo electrónico. Pódense facer tantas reservas como exemplares se poidan sacar en préstamo.

Para que calquera persoa usuaria poida acceder aos fondos de todas as bibliotecas da UDC sen necesidade de desprazarse existe o préstamo intercentros. Calquera usuario poderá solicitar un préstamo intercentros desde calquera biblioteca ou desde Crunia, igual que como se explicou en Reservas.

As condicións do préstamo intercentros serán as mesmas que as de préstamo a domicilio.

Unha vez que chegue o documento, éste reterase na biblioteca solicitante o día da súa recepción e o seguinte, e devolverase á biblioteca prestataria ao terceiro día.

A biblioteca da UDC ofrece este servizo restrinxido aos membros da comunidade universitaria. A duración do préstamo será de 15 días e poderá ser renovado por outros 15, se non hai persoas usuarias en listaxe de agarda. O lector terá que ser devolto sempre na biblioteca onde se fixo o préstamo. A persoa usuaria é responsable do lector que se leva en préstamo e dos dispositivos que se entregan con éste (tarxeta, cable, usb e funda), ten que devolvelo nas mesmas condicións nas que o recibiu e facer un uso respectuoso do material e non modificar a configuración nin cambiar o contido da tarxeta.

Actualmente, a seguinte biblioteca da UDC conta con servizo de préstamo de lectores de libros electrónicos:

• Biblioteca da Facultade de Ciencias da Educación

Normas de uso deste préstamo.

Este servizo está restrinxido aos membros da comunidade universitaria. A duración do préstamo será de seis horas, aínda que poderá ser renovado por outras seis, se non hai persoas usuarias en listaxe de agarda. A persoa usuaria é responsable do portátil que se leva en préstamo e terá que devovelo nas mesmas condicións nas que o recibiu. Se se detecta un mal funcionamento do equipo deberá comunicalo de inmediato ao persoal da biblioteca.

Actualmente, as siguintes bibliotecas da UDC contan con servizo de préstamo de ordenadores portátiles:

• Biblioteca da Escola Universitaria de Arquitectura Técnica
• Biblioteca Universitaria de Oza (CC. da Saúde, Fisioterapia e Enfermaría)
• Biblioteca da Facultade de Economía e Empresa

Normas de uso deste préstamo.

As distintas bibliotecas de centro da UDC ofrecen, no seu conxunto, ao redor de 3.400 postos de lectura, para a consulta dos seus fondos.
Nalgúns casos existen salas para a consulta de materiais especiais (fondo antigo, microformas...) e hemerotecas para a consulta de publicacións periódicas.

Tendo en conta as facilidades de renovación de que dispoñen os usuarios e a flexibilidade xeográfica que ofrece o préstamo intercentros, que permite a devolución en calquera biblioteca da UDC, non hai excusas para a falta de puntualidade. O incumprimento reiterado da normativa de préstamo e devolucións suporá unha suspensión temporal do servizo de préstamo. 

Desde o momento da devolución, o usuario será sancionado sen poder levar libros tantos días hábiles como documentos co préstamo vencido teña e días de retraso acumule, ata un máximo de 40 días. As sancións son acumulables.

Exemplo: se o usuario ten 4 libros e se retrasa 5 días en devolvelos, será sancionado con 20 días hábiles (4 semanas, se non hai festivos no medio) sen poder levar documentos en préstamo

Ademais, o deterioro ou perda de libros suporá a súa reposición por outro exemplar da mesma edición. A dirección da biblioteca á que pertenza o documento extraviado escollerá un de características similares no caso de estar esgotado. A secretaría do centro pode requerir ao estudantado e aos traballadores da UDC (PDI ou PAS), no momento en que solicitan o seu título ou rematan a súa relación laboral coa universidade, que regularicen a súa situación coa biblioteca no caso de ter préstamos pendentes coa fin de asegurar a devolución ou reposición dos documentos (art. 5.5 das Normas de préstamo da biblioteca da UDC).

Os usuarios recibirán na conta de correo electrónico da UDC avisos de reclamación de documentos non devoltos e notificacións de sancións. Cómpre manter a conta de correo libre de espazo para que os emails non cheguen de volta ao servizo.