Os estudos propios de posgrao da UDC réxense, ademais de polas disposicións legais vixentes que foren de aplicación, polo Regulamento de Estudos Propios (REP) aprobado en sesión de Consello de Goberno de 20 de decembro de 2022.
Os traballos fin de máter e traballos fin de diplomas de especialización e experto réxense, ademais de polas disposicións legais vixentes que foren de aplicación, polo Regulamento de traballos de fin de estudos dos títulos propios de posgrao da Universidade da Coruña aprobado pola Comisión de Estudos Propios do 12 de setembro de 2023.
Regulamentos anteriores (non en vigor):
Instrucións:
A Lei Orgánica 2/2023, de 22 de marzo, do Sistema Universitario, no seu artigo 3 recoñece a autonomía das universidades para a elaboración e aprobación de planos de estudo conducentes á obtención de títulos propios, así como para a expedición de títulos propios, incluída a formación ao longo da vida. O artigo 7 establece que esta última poderá desenvolverse mediante distintas modalidades de ensinanza, incluídas microcredenciais, micromódulos ou outros programas de curta duración. No artigo 37 establece que as universidades promoverán o acceso a estudos universitarios das persoas con discapacidade intelectual e por outras razóns de discapacidad mediante o fomento de estudos propios adaptados as súas capacidades
O Real decreto 822/2021, do 28 de setembro, modificado polo Real decreto 889/2022, do 18 de outubro, polo que se establece a organización das ensinanzas universitarias e do procedemento de aseguramento da súa calidade, achega no capítulo VIII os principios reitores das ensinanzas propias das universidades, no marco da formación permanente.
Os Estatutos da Universidade da Coruña determinan, no seu artigo 49, que a nosa institución «ademais de impartir ensinanzas conducentes á obtención de títulos oficiais, poderá establecer outras para a obtención de diferentes títulos propios, así como programas de especialización profesional e de formación permanente».