A Unidade de Atención á Diversidade

A Unidade ADI diríxese, por tanto, ao conxunto de participantes nos estudos superiores: estudantado, profesorado e persoal de administración e servizos. O seu cometido principal é o de facilitar a plena inclusión e equidade do estudantado, profesorado e PAS que, por razóns físicas, sensoriais, de identidade de xénero, afectivas-sexuais, de expresión de xénero, psíquicas ou socioculturais experimentan dificultades ou barreiras externas a un acceso equitativo, igualitario e participativo na vida universitaria.

As liñas xerais de intervención da ADI son:

Asesoramento e sensibilización

Asesoramento e sensibilización de toda a comunidade universitaria acerca dos dereitos, as vivencias e as necesidades das persoas con discapacidade, NEAEs, do colectivo LGTBIQ+, ou calquera colectivo ou grupo que poida ser obxecto de discriminación ou minorización.

Atención individualizada

Atención individualizada, acompañamento, prestación de axudas técnicas e establecemento de redes de intercambio de información e apoio mutuo tanto coas persoas como co tecido asociativo ou organizacións relevantes nestes eidos.

Eliminación progresiva das barreiras

Eliminación progresiva das barreiras arquitectónicas, burocráticas e de comunicación en tódolos campus da Universidade da Coruña.

Promoción dos dereitos da comunidade

Promoción dos dereitos da comunidade universitaria, con especial interés polos colectivos ou grupos que sofren de maior discriminación e vulnerabilidade.

Establecemento de redes de colaboración

Establecemento de redes de colaboración na atención á diversidade mediante convenios con universidades, organismos gobernamentais e non gobernamentais.

Formación en diversidad

Formación en temas relacionados coa diversidade, a inclusión e a equidade na universidade.

Eliminación de violencias

Accións que fomenten a eliminación de todo tipo de violencias e discriminacións na universidade.