A Coruña, 18 de outubro de 2022.- O reitor da Universidade da Coruña, Julio Abalde, presidiu esta mañá na Reitoría o acto de toma de posesión de novo profesorado. Asistiron tamén o secretario Xeral, Carlos Aymerich, o vicerreitor de Profesorado e Planificación Docente, Alberto Valderruten, a vicerreitora do Campus de Ferrol e Responsabilidade Social, María Jesús Movilla, e o vicerreitor de Política Científica, Investigación e Transferencia, Salvador Naya.

O profesorado estivo acompañado de familiares e colegas dos seus centros e departamentos.

Tomaron posesión como catedráticos de Universidade:

• María José Abad López, da área de Física Aplicada do Departamento de Física e Ciencias da Terra.
• Francisco Javier Blanco García, da área de Medicina, do Departamento de Fisioterapia, Medicina e Ciencias Biomédicas. 
• Ignacio Pérez Pérez, da área de Enxeñaría e Infraestrutura dos Transportes de Departamento de Enxeñaría Civil.

 E como profesores Titulares de Universidade:

• Rocío Chao Fernández, da área de Didáctica da expresión musical do Departamento de Didácticas Específicas e Métodos de Investigación e Diagnóstico en Educación.
• Pablo Gallego Picard, da área de Urbanística e Ordenación do Territorio do Departamento de Proxectos arquitectónicos, urbanismo e composición.

Foto: Desde a esquerda, Alberto Valderruten, Rocío Chao, María José Abad, Ignacio Pérez, Julio Abalde, Carlos Aymerich, Francisco Javier Blanco, Pablo Gallego, María Jesús Movilla e Salvador Naya.