Raquel Martínez Buján, Profesora contratada doutora organizou un ciclo de conferencias “Refugees Welcome: A crise dos dereitos humanos na Europa neoliberal” que tivo lugar no mes de abril na facultade de Socioloxía. Tratouse dun ciclo de conferencias que pretendían dar énfase e analizar este fenómeno poliédrico, a través da voz de profesionais que diariamente levan a cabo accións no eido local, político, institucional, académico e social. As conferencias estiveron abertas tanto ao público en xeral como a comunidade universitaria e as entidades locais.
Verónica Robles García, profesora axudante doutora, levou a cabo un proxecto sobre as mulleres coidadoras en países en vías de desenvolvemento na facultade de Fisioterapia de 14 días de duración. Tratouse dunha xornada aberta tanto ao público en xeral como ao conxunto da comunidade universitaria, en especial os/as estudantes e profesores/as da Facultade de Fisioterapia. Dito proxecto, contou cunha exposición fotográfica sobre “ As mulleres coidadoras en países en vías de desenvolvemento. Experiencia en Nicaragua” e un Role-playing sobre o “ Manexo do bebé nas diferentes culturas".
Renee Depalma Úngaro, profesora contratada Doutora, participou xunto coa ONGD Solidariedade Galicia e o Centro Público Integrado Virxe da Cela na publicación dun libro divulgativo sobre os resultados dun proxecto de Investigación Acción Paticipativa ( IAP). O proxecto é o derradeiro dunha serie de 4 proxectos subvencionados pola xunta de Galicia baixo o Plan Director Galego de Cooperación 2014-2017.
Os beneficiarios directos son o profesorado e o alumnado do CPI Virxe da Cela, por medio da publicación deste libro “ Investigando la dimensión global de la Educación para el Desarrollo” ampliouse o número de beneficiarios indirectos.
Cathryn Teasley Severino, profesora axudante Doutora, puxo en marcha un ciclo de conferencias tituladas “Cara un desenvolvemento xusto de políticas e servizos sociais, educativos e investigadores ante a diversidade socio-cultural das sociedades contemporáneas” que tiñan o obxectivo de analizar diferentes procesos de desenvolvemento e promoción socio-cultural, formar axentes de intervención socio-educativa e comunitaria e detectar factores de vulnerabilidade, de exclusión e de discriminación social que dificulten a inclusión social, escolar e laboral de persoas e colectivos diversos.
Estas conferencias,estiveron abertas tanto ao público en xeral como ao conxunto da comunidade universitaria, en especial o alumnado e profesorado das Facultades de C.C. Da Educación e de Socioloxía da Universidade de A Coruña.
Adrián Eirís Torres, estudante da Universidade de A Coruña, en colaboración co responsable da actividade Francisco Alberto Varela García, realizou un obradoiro formativo para dar a coñecer o concepto de cartografía participativa e cómo facer sistemas que permitan tomar fotografías aéreas dunha zona local de interese para a súa visualización e estudio ou posterior realización de cartografía. Dito obradoiro, baixo o titulo Cartografía participativa baseada en globos ou cometas, perseguía o obxectivo de empoderar os cidadáns a través do coñecemento e expresión propia do seu territorio e a súa realidade.
Thais Pousada García, profesora contratada Doutora, realizou un proxecto xunto coa ONG Mestura que se compuxo dunha xornada de sensibilización nas comunidades educativas sobre a realidade das migracións forzosas e por outro lado a creación e difusión dunha guía de recursos didácticos froito das propostas elaboradas polos estudantes universitarios participantes e os materiais propios da ONG Mestura. O obxectivo xeral deste proxecto é contribuír á mellora da convivencia intercultural favorecendo procesos de respecto pola diferenza e promovendo actitudes de empatía no ámbito da inmigración nos contextos escolares.
Enrique Blanco Lorenzo, profesor contratado Doutor do Departamento de Composición, organizou un proxecto baixo o lema “Graneros de memoria” na Fundación Luis Seoane, que estivo aberto a toda a comunidade universitaria e público en xeral. O dito proxecto, tiña como obxectivo poñer en coñecemento da poboación en xeral, e da comunidade universitaria en particular, a situación de máis de 65 millóns de refuxiados desprazados por conflitos no mundo e de millóns de persoas desprazadas dentro dos seus países por conflito ou desastres naturais.
Antón Xosé González Artiaga, PAS do Servizo de Xestión Financeira, xunto coa ONGD Solidaridade Galega levou a cabo un proxecto que consistiu na edición e publicación do informe de investigación elaborado en base ás campañas de recollida de datos sobre o terreo, realizadas en 2009 e 2010 en Bilwi- Puerto Cabezas. Coa edición e publicación do informe, preténdese dar a coñecer a grave situación dos traballadores que desenvolven traballos de pesca por inmersión na zona noroeste de Nicaragua. Posteriormente, realizouse unha conferencia nas instalacións da UDC e en Manuaga para a presentación do informe.
Emma López Bahut, profesora contratada interina de sustitución, colaborou na realización do obradoiro “Urbanismo rural na franxa de Gaza” sendo un dos seus principais obxectivos a formación e sensibilización da comunidade universitaria no ámbito dos dereitos humanos e a xustiza social así como establecer redes internacionais de difusión e interconexión de investigación relacionada coa temática. Os beneficiarios deste proxecto foron entre 20 e 40 alumnos/as da Escola Técnica Superior de Arquitectura da Coruña.
Eduardo Guillen Solorzano, profesor contratado doutor. Presentou xunto coa entidade “María Cristina Foundation” unhas xornadas de reflexión sobre a educación nos países en vías de desenvolvemento. Este proxecto non se executou.
Santiago Hernández Ibáñez, Catedrático da UDC, levou a cabo un proxecto na Universidade de A Coruña no cal se realizou unha conferencia e outras actividades guiadas pola Periodista Olga Rodríguez. Un dos obxectivos principais destas xornadas foi a concienciación sobre o problema de millóns de refuxiados que acoden a Europa e malviven en situacións de precariedade. Os beneficiarios finais do mesmo foron tanto os estudantes, como o persoal de administración e servizos e profesores da Universidade de A Coruña.
Rubén Fernandez Prado, profesor colaborador a tempo completo da UDC, colaborou coa Escola Shantidi que opera en India, na posta en marcha dunhas Xornadas de Voluntariado e concienciación social nas que se fixo especial incidencia a Cooperación Internacional . Un dos obxectivos principais deste proxecto foi da a coñecer a realidade social do país de maior marxinalidade social así como as actividades que se están a realizar no mesmo por parte desta ONG e outras entidades a nivel internacional. As persoas beneficiarias do proxecto, foi o alumando, empregados e profesores da UDC e as persoas voluntarias e colaboradoras da ONG Escuela Shantidi.