Información de interese

No Servizo de Publicacións da Universidade da Coruña acéptanse solicitudes de publicación de manuscritos tanto de obras de carácter científico como de creación literaria e artística. A editorial da universidade está aberta a recibir todas as propostas de publicación que cumpran os nosos criterios de calidade e co procedemento editorial vixente.

Advírtese que non se aceptarán propostas de "autopublicación" financiadas total nin parcialmente pola/s persoa/s autora/s.

Criterios para a calidade editorial:

As obras publicadas baixo o selo do SPU (tanto en papel como en dixital) deben ser recoñecidas pola súa calidade editorial e cumprir cos seguintes requisitos para acadar a máxima calidade científica. A xestión dos puntos 1,2 e 3 será asumida polo SPU unha vez recibida a solicitude e o manuscrito:

  1. Informes científicos cegos realizados por especialistas externos/as á UDC para obras de "carácter científico" (exceptúanse deste requisito as obras publicadas na colección de Homenaxes, Libros de Actas e Publicacións Institucionais).
  2. Aprobación da publicación polo Comité Editorial do Servizo de Publicacións da UDC para todas as obras que requiran ISBN e DOI.
  3. Aprobación da publiación pola dirección e consello científico da colección, se os houbese.
  4. Informe do departamento motivado que será posto en valoración pola Comisión de Publicacións xunto co resto de datos da obra.**Requisito para: monografías, manuais, homenaxes e resto de publicacións de carácter científico e aquelas outras publicacións que considere a comisión como dato imprescindible para a valoración da obra.
  5. Terán prioridade os proxectos que traten sobre temas de especial interese para a UDC e os seus campos de especialización.

As coleccións existentes ata o momento son as seguintes:

Coleccións con dirección e consello científico propio:

Ademais, publícanse de xeito ocasional libros que, pola súa temática e interese, están fóra de colección.

 

Publicación dixital en Acceso Aberto:
A Comisión Editorial Académica (CEA) aproba a adxudicación dun DOI e un ISBN electrónico a aquelas publicacións de carácter académico e/ou investigador que cumpran cos estándares de calidade do SPU. Estas publicacións estarán dispoñibles en acceso aberto no espazo destinado a Catálogo Dixital en Aberto do SPU.