O 4 de decembro de 2020 tivo lugar a Xornada Mundial do Ensino sobre o Desenvolvemento Sustentable ou World Sustainable Development Teach-In Day 2020 (WSD-TID 2020). Tratouse dun importante evento on-line global, que ofreceu ao profesorado e estudantado a información mais actual para o desenvolvemento sustentable e, en particular, no relativo aos Obxectivos de Desenvolvemento Sustentable (ODS).

Os materiais de aprendizaxe estiveron organizados en catro bloques temáticos:

Categoría A: Teoría e práctica do desenvolvemento sustentable.

Categoría B: aspectos ambientais, sociais, políticos e económicos do desenvolvemento sustentable.

Categoría C: Educación, comunicación e formación sobre desenvolvemento sustentable.

Categoría D: iniciativas no campus e rexionais que inclúen diferentes grupos e partes interesadas cuxo enfoque / métodos poden ser replicables ou que poden ser de interese para un público amplo.

Houbo dúas formas de participar:

(1) Uníndose ás conferencias en directo de acceso aberto seguindo o aplicativo Zoom. Cada hora do día contou cunha presentación diferente de interesantes oradores internacionais.

(2) Facendo uso dalgunha das presentacións dispoñibles na páxina web do evento. Foron facilitadas polo profesorado de todo o mundo en diferentes idiomas. Foi posible descargalas e adaptalas ás necesidades de docencia de cada quen.

A Oficina de Medio Ambiente da Universidade da Coruña mostrou exemplos prácticos da súa xestión ambiental que foron visibles en todo o mundo. En concreto, as contribucións da OMA-UDC foron:

- “Campus, casa, cidade: Laboratórios de mudança”, um projeto multidisciplinar para promover a sustentabilidade meio ambiental e social. Torrijos, V.; Soto, M.; Vega, P.; Varela-García, F.A.; Calvo, D. Esta comunicación incluíuse na Categoría C.

- Compostagem local de resíduos orgânicos universitários e seu uso como fertilizante na horta do campus. Soto, M.; Torrijos, V. Esta comunicación incluíuse na Categoría D.