As catástrofes de Bens e Zaldívar

Bens, 1996

O 10 de setembro de 1996 derrubouse o vertedoiro de Bens na Coruña, naquel momento o de maior tamaño de Galiza, so superado posteriormente polo macro-vertedoiro de SOGAMA na Areosa (Cerceda).

Ás 10 da mañá do 10 de setembro, a veciñanza do Portiño escoitou un forte estoupido e apenas tivo tempo de ver caer o lixo ladeira abaixo, 200.000 m3 de residuos que arrasan con todo ao seu paso e deixan sepultado o barrio, o peirao e a praia. O aspecto do lugar é dantesco...

Para ler máis sobre a catástrofe de Bens, abre o seguinte dosier, publicado na revista Cerna no outono de 1996:

Bens, a irresponsable xestión dun vertedoiro

 

Zaldibar, 2020

Se o en Bens morreu unha persoa arrastrada polos residuos, en Zaldibar (País Vasco) acaban de ser dúas, operarios do mesmo vertedoiro. Bens recibía residuos urbanos e industriais, de todo, e Zaldibar só residuos industrias, pero como o de Bens, estaba situado nunha ladeira do monte, e veuse abaixo o 6 de febreiro de 2020.

Segundo Ecoloxistas en Acción, o de Zaldibar era un vertedoiro low cost, o principal vertedoiro de residuos industriais do País Vasco. O vertido incontrolado de residuos industriais encheu en só 10 anos un vertedoiro que tiña 35 anos como vida útil prevista. Podes ler máis na seguinte ligazón:

Zaldibar, un ejemplo de cómo no deben gestionarse los residuos

 

 A Areosa (Cerceda) 1995- ?

O de A Areosa é maior vertedoiro de Galiza de todos os tempos. SOGAMA reciclou o 3% dos residuos recibidos en 2015. Despois de 18 anos de “mellora  continuada”, o seu contedor amarelo apenas recuperou o 10% dos residuos de envases xerados. A este ritmo de mellora, levaríalle 120 anos acadar o obxectivo do 50% fixado para 2020.

Se SOGAMA non recicla, que fai cos residuos? Xa en 2016, SOGAMA acumulaba máis de 5 millóns de toneladas de residuos sen tratar no vertedoiro da Areosa, e nos vertedoiros do chamado Complexo Medioambiental de Cerceda acumula máis de 1 millón de toneladas de escouras e outros residuos inertes, e máis de 500.000 t de cinzas tóxicas. Unha situación insostible ... Segue lendo na seguinte ligazón:

SOGAMA: o modelo máis caro, os peores resultados