BASE: Bielefeld Academic Search Engine: un dos buscadores máis completos do mundo, especialmente para os recursos web académicos de acceso aberto. Pódese acceder aos textos completos de aproximadamente o 60% dos documentos indexados.

Ciencia.Science.gov: busca en máis de 60 bases de datos e en máis de 2200 sitios web de 15 axencias federais, ofrecendo 200 millóns de páxinas de información científica de gran autoridade dos EE.UU., incluíndo resultados de investigación e desenvolvemento.

CiteSeerX: buscador de documentos científicos, na súa maioría relacionados co mundo da informática e internet.

CrossRef Metadata Search: permite buscar artigos específicos, obtener a dirección DOI asignada a cada un deles e acceder á páxina da editorial onde se atopa o texto completo.

Dimensions: plataforma de descubrimento de investigación de Digital Science. A versión gratuita inclúe a busca de artigos e outros documentos a texto completo e métricas básicas para todas esas publicacións.

Google Académico: buscador especializado de Google que permite realizar buscas para localizar documentos académicos.

Lens: buscador académico que permite recuperar patentes e publicacións científicas.

MedNar: buscador especializado en ciencias da saúde que realiza consultas nunha gran cantidade de fontes de información: bases de datos, blogs, portais, páxinas web…

RefSeek: buscador web académico, deseñado tanto para estudantes como investigadores, que ofrece nas súas buscas millóns de documentos, incluíndo páxinas web, libros, enciclopedias, revistas ou periódicos.

Science Research: utiliza a tecnoloxía de busca Deep Web, que se serve doutros motores de busca especializados para brindar resultados precisos, os cales poden ser bases de datos, repositorios ou simplemente outros buscadores.

Semantic Scholar: buscador académico con compoñentes de intelixencia artificial. O seu propósito é localizar os traballos máis relevantes dun tema concreto. Cubre fundamentalmente Mediciña e Informática, pero pouco a pouco foi incorporando traballos doutras áreas.

Wolfram Alpha: buscador que inclúe respostas a consultas de calquera tipo de temática e realiza cálculos de maneira inmediata. Foi desenvolvido en base ao software Mathematica, que realiza operacións complexas e usualmente é utilizado por científicos, enxeñeiros e académicos.

WorldWideScience: permite a busca en bases de datos e portais científicos nacionais e internacionais dende un único formulario.