La Catedrática de Dereito Penal da UDC, Dª. Patricia Faraldo Cabana, imparteu o pasado 23 de outubro a conferencia titulada "Aspectos éticos do goberno do dato nos ámbitos policial e militar". 

Durante a súa intervención, Patricia Faraldo analizou as cuestións éticas e os problemas prácticos relacionados coa gobernanza dos datos de interés policial no marco da Unión Europea (UE). A profesora presentou as ferramentas e os mecanismos que se están a impulsar para mellorar a cooperación entre os corpos de policía dos distintos países europeos, así coma as que facilitan a investigación académica neste ámbito. Ademáis, explicou as razóns que xustifican a aplicación das normas existentes no ámbito militar, un espacio no que, según sinalou, «habitualmente créese que non rexen as limitacións ético-legais da protección dos datos persoais».

Esta conferencia foi impartida por Luis Gorrochategui. Nela  o ponente abordou un dos episodios máis relevantes da historia naval española, un ámbito no que conta cun recoñecemento consolidado. Explicou as circunstancias do ataque da armada inglesa contra a cidade da Coruña, e como esta cidade e os seus habitantes conseguiron resistir e, incluso, repeler o ataque estando claramente en inferioridade de condicións.

O Catedrático de Dereito do Traballo da USC, José María Miranda Boto, imparteu a charla "Tolkien e o mar".  Aínda que a obra de J.R.R. Tolkien se ambienta principalmente na Terra Media, o mar tamén está presente dun xeito moi importante e simbólico. Desde os primeiros contos de O Silmarillion ata os ecos que resoan no epílogo inédito de O Señor dos Aneis, o mar representa "tanto a nostalxia dun paraíso perdido como a promesa do inalcanzable". Engade que o mar tamén é un lugar perigoso para os hobbits porque "as augas que rodean Númenor, a Atlántica de Tolkien, testemuñan o orgullo humano e o seu castigo cando a illa se afunde nun cataclismo". Deste xeito, Tolkien "dota ao mar dunha dimensión narrativa e simbólica que o converte nun dos grandes motores da imaxinación na súa obra".