As persoas participantes dispoñen de acceso ás rutas formativas de Oracle University a través da plataforma Oracle MyLearn, cun amplo catálogo de contidos actualizados en áreas como Oracle Cloud Infrastructure (OCI), Intelixencia artificial, Datos e analítica, Arquitectura cloud, Desenvolvemento de software, DevOps, Seguridade, Bases de datos, Oracle APEX ou Aplicacións empresariais (ERP, HCM, SCM e CX).

Os itinerarios formativos están estruturados de maneira progresiva para facilitar a adquisición de coñecementos e a obtención de certificacións oficiais recoñecidas internacionalmente.

O programa SDI inclúe:

• Formación en liña mediante vídeos en streaming.
• Rutas de aprendizaxe guiadas segundo os obxectivos profesionais de cada participante.
• Acceso á comunidade de Oracle University.
• Recursos actualizados e especializados en tecnoloxías emerxentes.

A participación neste programa permite:

• Adquirir competencias dixitais avanzadas.
• Obter certificacións profesionais recoñecidas internacionalmente.
• Mellorar a empregabilidade e as oportunidades de desenvolvemento profesional.
• Acceder a formación aliñada coas demandas do mercado laboral e da industria tecnolóxica.

A través desta iniciativa, a UDC reforza o seu compromiso coa innovación, a transformación dixital e a formación continua, facilitando o acceso a recursos de aprendizaxe de alto nivel e promovendo a preparación da súa comunidade universitaria para os retos do ecosistema tecnolóxico global.