Mediante os graos aberto na UDC, no seu obxectivo de ofrecer alternativas de formación que melloren a oferta dispoñible, posibilita que un estudante poida comezar os seus estudos na universidade sen necesidade de decidir inmediatamente o grao que cursar. Temos dúas alternativas:

• Ciencias Sociais e Xurídicas, no Campus da Coruña 
• Enxeñaría Industrial, no  Campus de Ferrol

Están pensados para aquel alumno que, tendo a nota de acceso para varios graos, non quere decidirse aínda por ningún e prefire darse un tempo para descubrir que grao é o que finalmente máis lle motiva. Para isto, os graos abertos combinan materias de varios graos da mesma rama de coñecemento. O estudante ten un curso académico, no que poderá ir cursando materias dos diferentes graos integrados no programa, para decidir cal será o seu grao destino.

Tamén están dirixidos a aqueles estudantes que desexan enriquecerse da transversalidade do seu currículo académico, debido a que ao finalizar o período en que un estudante pode estar no grao aberto e unha vez decidido o grao que cursará finalmente, pode continuar a súa formación multidisciplinar a través do Programa de Formación Complementaria, no que poderá matricularse de materias dos diferentes graos que compoñen o programa para completar a súa formación. 

Unha boa parte dos créditos que fagan serán recoñecidos no grao de destino, os que non, constaranlles igualmente no seu expediente académico e no seu Suplemento Europeo ao Título.

Sempre contarán co asesoramento e acompañamento dun titor que lles axudará a ir definindo a súa traxectoria académica.